ناڤ: نەجمەدین بیووک کایا
ناسناڤ: نەجۆ -سەڵاح
جهێ ژدایکبوونێ: گوندێ (کەرەهان) یێ سەر ب باژێڕوکێ (سوێرکی)
ساڵا ژدایکبوونێ: 1934
$ژیاننامە$
کەسایەتییەکە دیار یێ سیاسی ل باکوورێ کوردستان یە، ساڵا 1943 ل گوندێ (کەرەهان) یێ سەر ب باژێڕوکێ (سوێرکی) یێ پارێزگەها (#ئورفە#) ژدایکبوویە. پشتی تمام کرنا خوەندنا سەرەتایی و ناڤەندی و ئامادەیی ل باژێڕێ #ئامەد# ساڵا 1966 ل کۆلێژا یاسا یا زانینگەها #ئیستانبوڵ# هاتییە وەرگرتن. ساڵا 1969 ئێک بوویە لوان 13 خوەندەکارێن کو (کۆمەڵەیا ڕەوشنبیری یا شوڕەشگێرێن ڕۆژهەڵات- دەدەقەدە) دەمەزراند و سەروکێ وێ کۆمەڵەیێ ژی ئەو بخوە بوو.
بەری کو زانیگەهێ تمام بکەت ل #12-03-1971# فەرمانا دەتەسەرکردنێ ژبو وی دەرچووە و ل تورکیایێ دەرکەت و ل ساڵا1972 چوویە دەرەڤە و ل سویدێ نیشتەجێ بوویە. ساڵا 1974 پشتی کوو حکومەتا (بولەند ئەجەڤیت) لێبوورینا گشتی دەرکرن، ئەو ژی ڤەگەڕیایە ژبو تورکیا و بوویە ئەندام ل باڵێ چەپ یێ #پارتی دیموکراتی کوردستان# ل تورکیایێ ب سەرکردایەتیا (سەعید قرمز توبراخ - د.شڤان) ، پشترە دەست ژکار کێشایە و هەڤکاریا #یەکێتی نیشتمانی کوردستان# کرییە، ل دەسپێکا شوڕەشا نوو یا چەکداریدە. ل ساڵێن 1976-1977 ڕۆڵێ کارا هەبییە ل داینیکرنا پیداویستی یێن لۆجستی یێن یەکێتی لناڤا تورکیادا کو برنا ئێکەم پولا پێشمەرگە ب فەرماندەییا برایم عەزۆ کو ژمارەیا وانا 37 پێشمەرگە بوونە ل ناڤا سووریایێ و ژبو تورکیا و پشترە بو ناڤچەیا بادینان، هەروەسا گەهاندنا چەندین بارێن چەک ل سووریایێ ژبو بەهدینان. ساڵا 1977 پارچەیەکا ئەرکێ ب سەلامەت گەهاندنا تاڵەبانی ل ئیستانبوڵێ ژبو سەر سنووری ئیراق- تورکیا خستییە سەر ملێ خوە و سەرکەتی بوویە دڤی ئەرکەیدە. ساڵا 199 پشتی نەمانا ڕژێما شایێ ئیرانێ و ل ئەرکەکێ کەموێنەدە کارییە هەژمارەکا زور چەکێ سڤک ل باژێڕێ #قامیشلو# ڕە ب ڕییا خاکا تورکیا بگەهیێتە سنوورێ ناڤچەیا سۆما یا ڕوژهەڵاتێ کوردستانێ و ب ڕییا پێشمەرگەیێن (#کۆمەڵەی شوڕەشگێڕی زەحمەتکێشانی کوردستان-ئێران#) بگەهتە باژێڕێ نەغەدە و پشتڕە ژبو باشوورێ کوردستانێ و بارەگەهێن سەرکردایەتیا یەکێتی ل (#خرەی ناوزەنگ#) .
پشتی کودەتایا ساڵا 1980 جەنڕاڵ (کەنعان ئیڤرین) ل شاڵاوەکا گرتنێ دە ل مەها نیسانا ساڵا 1982 ل باژێڕێ (#ئامەد#) هاتە دەستەسەر کرن و ل 22 تشرینا ئێکێ یا ساڵا 1984 لبن ئەشکەنجەیێدە شەهید دبیت.
لدیف هندەک چاڤکانیێن دن، نەجۆ ل ڕوژا #24-01-1984# گیانێ خوە ژدەست دایە. [1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 249 جار بینراوە
ڕای خۆت دەربارەی ئەم بابەتە بنووسە!