کورد دلۍ چەرخەکا تاریخینە
بەشۍ: چل و یەکەمە
نویستەی: #هاوڕێ باخەوان#
ساڵەو (615 و.ز): ئەچی ساڵېنە مادەکۍ ناوچەکانو کەرکووکیشان چېرو دەسو ئاشوورییەکانە ڕزگارکەردەن، هەر ئەچی سەدەنە سنوورو مېیانو بابلی و ئاشووری بە ناوچەکانو کەرکووکیرە وېیەردەن.
مانگەو هەشتی، ساڵەو (614 و.ز): لەشکەرو مادی بە فەرمانو کیاکساری هېرششان کەردەن سەرو سەرنیشتو نەینەوای و شارو (تربیس)یشا گېرتەن.
(20- 09- 612 و.ز): پاشاو مادەکا کیاکسار دمای داگیرکەردەی نەینەوای پەی میدیای بە سەرکۆتەیی گېڵاوە.
(21-03-612 و.ز): دەسپەنەکەردەی یەکەمین کالیندەری کوردی (ڕۊئەژماری کوردی) و یەکەمین ڕۊ سەرو ساڵۍ تازۍ کوردیۍ، یام (یەک-یەک-یەک) سەرو دەسو کەی ئەخساری پاشاو مادەکانە.
ساڵەو (612 و.ز): ئەچی ساڵېنە مادەکۍ بە فەرمانداری کەی ئەخساری سەرکۆتۍ سەرو ئاشوورییەکارە و گېرتەی شارو نەینەوای.
ساڵەو (610- 590 و.ز): مادەکۍ نەک هەر تەنیا ئاشوورییەکېشا وڕنێ، بەڵکوم فەرمانداری ماڼا و ئەسکیت و ئورارتۆیچشا ئاردەنە چېرو ڕکېفو وېشان. هەر ئەچی ساڵېنە مادەکۍ شارو (حەڕان) یشان گېرتەن.[1]