کورد دلۍ چەرخەکا تاریخینە
بەشۍ: شەسس و نۊهەمە
نویستەی: #هاوڕێ باخەوان#
ساڵەو (1051ز) : ئەچی ساڵېنە تورکە سەلجوقییەکۍ هېرششان ئاردەن سەرو کوردەسانی.
ساڵەو (1052ز) : سوڵتان توغروڵ، سوپێوە گۆرېش نېیا وەردەسو (سەید کوڕو ئەبولشۆک) ی، ئاڎییچ هېرشێش کەردە سەرو ئێراقی، ئەچاگە مامۊش کە (موهەلهەل) بۍ دیلش کەردو ۋستشەنە زیڼان.
ساڵەو (1055ز) : ئەچی ساڵېنە فەرمانڕەوایی بۊوەیهییەکا ۋڕان. هەر ئەچی ساڵېنە ئەبولشۆک کوڕو موحەمەڎ کوڕو عەیاری کۊچی دمایینش کەردەن، کە نازنامش حوسامولدەولە بېیەن و هەر دەم چەنی براڵەکاش گرفتشان بېیەن.
ساڵەو (1059ز) : ئەچی ساڵېنە مەنسوور کوڕو نەسر کوڕو نەسرولدەولەی ئەحمەڎی کۊچی دمایینش کەردەن.
ساڵەو (1061ز) : تاکو ئی ساڵۍ، عادل شاو ناسرولدەولە ئەحمەڎ فەرمانڕەوایی مەروانییەکاش کەردەن.
ساڵەو (1071ز) : ئەچی ساڵېنە جەنگێ دژوار دلۍ شارو مەلازگرینە قومیان، مېیانو ئەلپ ئەرسەلان سوڵتانو سەلجوقی و ڕۆمانۆس دیۆجینۆسی پاشاو ڕۆمەکانە، ئەچا جەنگەنە سەلجوقییەکۍ بە یاردی کوردەکا ڕۆمەکا ماڕان، ئیتر کوردەسان بېیەن با داگیرگاو سەلجوقییەکا.
ئەسعەد ڕەشید.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 878 جار بینراوە
ڕای خۆت دەربارەی ئەم بابەتە بنووسە!