دکتۆر ساجید و هەڵوێستە باڵاکانی 03 کۆتایی
ناوی نووسەر: #عەبدوڵڵا کەریم مەحمود#

1-( دوو هۆده و هەیوانێک)
دکتۆر ساجید لە دوای راپەڕین ، لە خانوویەکی کرێ دابوو ، دوو هۆده و هەیوانێک بوو ، لە کاتەدا جەرده و مافیاکان ،خەریکی دزی وراورووت بوون ، هەموو کەرەسه و کەل و پەلی ، دام ودەزگاکانی ئەم هەرێمەیان تاڵان کرد ،ئاو دیوی ئێرانیان کرد ،بە دزی و راوو رووت ، بوون بە خاوەنی بەنزیخانە و تەلاروکۆمپانیا و دەیان پرۆژەی خەیاڵی ، بوون بە دەوڵە مەندو و کەسێتی دیار، هەموو خەڵک هەموو ئه و روخسارانە دەناسن .
زۆریان دەسەڵات داری ، حیزب وحکومەتن ، لە دام ودەزگا باڵاکان دا ، لە هەرسێ شارە کەی هەرێم دا رۆڵیان هەیە ،ئەوان چارەنووسی نەتەوەیی کورد، لە پەرلەمان وحکومەت دا دیاری دەکەن ، ئەم نیشتمانە ، موڵکی ئەم دەم و چاوانەیە .خاوەنی دەسەڵات و بڕیارن ،
ئا له و سەردەمانەدا دکتۆر ساجید ،هیچ موڵک و خانویەکی بەعسی و ئەمنەکانی داگیر نەکرد، هەر لە خانووە کرێکەی دا بوو ، خانویەکی حکومەتیان پێ بەخشی ،له و کاتەدا دکتۆرێک دوای خانووی کرد،دکتۆرساجید بە دەروونی دەوڵەمەندی وبە عیزەتی نەفسی گەوره و باڵاکەیەوە ،کلیلی ئه و خانوەی دەبوایه ببوایە بە لانەی خۆی و هاوسەرو جگەر گۆشەکانی ، بەخشی به و دکتۆرە .
2-( پێشمەرگە بریداره که )‌
پێشمەرگەیەکیەک، لە شەڕێک دا ، بە سەختی بریندار کرا وببوو بە کەم ئەندام، ئەو پێشمەرگەیە،لەدەرگای زۆر لەم لێپرسراوانەی دابوو ، دەستیان نابوو بە روویەوە ، هەستیان بە جۆرێک بریندار کردبوو ، برینە دەرونیەکەی ،لە برینی جەستەی زیاتر قوڵ بوو:
( بە پێی راپۆرتی پزیشکی ،چارەسەربینەکەی ، لە دەرەوەی وڵات دەکرا.
دکتۆر ساجید بوو بە هەموو کەسێکی ئەم بریندارە، هەموو پێداویستییەکانی بۆ دابین کرد ،بە پەرۆشی یەوە هەموو توانای خۆی خستە گەر ،تا نەیگەیاندە نەخۆشخانەیەکی ئەوروپا دەست بەرداری نەبوو .
3-بەخشش
ڕۆژێک دکتۆر ساجید لە ماڵی خۆیان بوو لە گوندی قازان قایە ،لە ناکاو نەخۆشێکیان بە ترا کتۆر گەیاندە لای ، هەموو جەستەی ئاوسابوو ، بلۆقی کردبوو ، هەناسەکانی زۆر تەنگ بوو، بەئاستەم دەیتوانی هەناسە بدات ،دیاربوو شتێک پێوەی دابوو ،ژەهراوی ببوو ، خەرێک بوو دەخنکا، باری تەندروستی لە مەترسی دابوو، دکتۆر ساجید بەخێرایی بە پێ ی ئەزموونی خۆی ، چەند دەرزییەکی دژە ژەهری لە نەخۆشە کەدا ، وردەوردە، هەناسەکانی ئاسایی بوە وە وچاک بەوە وە .
دوای چەند رۆژێک ئه و نەخۆشە ، مشتێ پارەی بۆ دکتۆر ساجید هێنا،
دکتۆر کە پارەکەی بینی ،رووخساری تێک چوو ، زمانی لە گۆ کەوت ، نەیدەزانی چی بە نەخۆشەکە بڵێ .
لە و کاتەدا خاڵە بەهادین مەجیدی پورزای دکتۆر ساجید، بە روو خۆشییەوە و بە هێمنییەوە بە نەخۆشەکەی وت:
-ئەم دەرزیانە هی شۆڕشە ، دکتۆر ساجید، پێشمەرگە یەوئەرکی سەر شانی خۆی جی بەجێ کردوەوە ، کەی تۆ رێت کەوتە شار ، دەتوا نیت به و پارەیە
چەند دەرزیەک بکڕێت ، بۆ نەخۆشێکی وەک خۆت .
4( خەمی نەداران )
لە ساڵی 1998 کاک ئازاد جاف ، لە دانیمارکەوە تەلەفون بۆ دکتۆر ساجید دەکات :
-دکتۆر گیان لێرە حەبی ( میترۆساکت )-یان بۆ نوسیوم بۆ نەخۆشی رۆماتیزمەکەم ،ئەم حەبە زیاتر بۆ نەخۆشی (وەرەم ) بەکاردەهێنرێ،
بەڵام دکتۆرەکەی ئێرە دەڵێت:
-ئەم حەبە ئیلتیهابی رۆماتیزم دەوەستێنێت:
دساجید پێ یوت :
-ئازاد گیان پەلەم لێ مەکە ،با له و دکتۆرە پسپۆرەی هاوڕێم پرسیار بکەم ،
وەڵامت دەدەمەوه.
دوای چەند رۆژێک دکتۆر ساجید تیلی بۆ کاک ئازاد کردوە وتی :
-ئه و دەرمانە زۆر باشە ، لێرە دەست ناکەوێت ، چەند نەخۆشێکمان هەیە دەست کورت و نەدارن و پێویستیان به و حەبەیە ،بەڵکو هەوڵ بدەیت حەبی زیاترت دەست بکەوێت و بۆم بنێریت .
کاک ئازاد جاف ، لەسەر پێسنیارەکەی دکتۆر ساجید ، باسی ژیانی پر لە تراژیدیای ئابڵوقەی ئابوری وئازارو موعاناتی نەخۆشەکانی کوردستانی بۆ دکتۆرەکەی دانیمارک کردبوو.
ئەویش رێژەیەکی زیاتری له و حەبەی بۆ کاک ئازاد نوسی ،گەیشتە دەستی دکتۆر ساجید لە سلێمانی ، دکتۆرە پسپۆرەکه ئەو حەبانەی دەبەخشی نەخۆشە نەدارەکان .
5-( ئێواری 6 / 3 / 1991 )
نیوەڕۆی 6 / 3 /1991 شاری سلێمانی کش ومات بوو،کۆپتەرێک لە کەرکوکەوە گەیشتە سەر ئاسمانی شار ، چەند سوڕێکی بەسەر سلێمانیدا داو گەڕایەوە ،قوات خاسە و تەواری بە چەکەکانیانەوە هەموو شەقام و
بەردەم بارەگاکانیان گرتبوو....ترس لە روخساریان دا دەباری ،میلی چەکەکانیان ئاڕاستەی خەڵکی شار کرد بوو، ئا له و ساتانەدا دکتۆر ساجید چەند کڵاشینکۆف و چەند دەمانچەیەک وچەند مەخزەنێکی پڕ لە فیشەکی پێچابوە وە و گەیاندیە ، چێشت خانەی کوێستان ، لە شەقامی مەولەوی ، بەیانی 7/ 3 ڕاپەرین بەرپا بوو،
نیوەڕۆی 9 / 3 کاک ئازاد جاف رووی کردە ماڵی دکتۆر ساجید،دکتۆر ساجیدی لە هەیوانەکەدا بینی ، بیجامەی لە بەردابوو ، رۆبێکی بەسەر شانەوەبوو ، بەکزی دانیشتبوو،ئازاد جاف توشی تێڕامان بوو ،باڵی خەیاڵ گەڕاندییەوە :
-( د کتۆرساجید خۆی رۆڵی سەرەکی لە راپەڕین دا بینیو ە ، ئێستا ئاوا لە ماڵەوە ئاسایی دانیشتووە ،دەیان کەسی تریشی بینی ، هیچ رۆڵێکیان لە راپەڕینەکەدا نەبووە ، بەڵام تاقم و فیشەکدانیان لە خۆیان بەستووە و بە چەکەکانیانەوە، خەریکی جەردەی و داگیرکردنی خانووی ئەمنەکان بوون .
6(-تەلارە گەورەکەی دکتۆر ساجیدە ؟
دوای مانگێک لە مەرگی دکتۆر ساجید ،لە دانیشتنێکی تایبەتی دا بە ئامادەبوونی خانەوادەی دکتۆر ساجید و چەند بەرپرسێکی تر، لێپرسراوێکی دیار و ناسراوی کورد ، روو دەکاتە خانەوادی دکتۆر ساجید و دەڵێت:
-ئەم خانوەم بینی دکتۆر ساجید تیا دەژیا،توشی تێڕامان بووم ، وام دەزانی لە تەلارێکی گەوەردا دەژی
* ئەم وێنە یەم لە برای بەرێز کاک ئاسۆ عەزیز وەرگرتووە.
لە راستەوە : کاک سوهام-ی کادر ، مامۆستا رێبوار ، کاک سەلاح . کاک ئاسۆ عەزیز ، دانیشتوەکە دکتۆر ساجید-ە، ساڵی 1981 هەرێمی پێنجی قەرەداغ
شەوی 5/ 5 / 1977 خاڵە بەهادین مەجیدی هاوڕێ و پورزای (زەینەدین ناسراو بە دکتۆر ساجید لە ماڵی دکتۆر ساجید دەبێ ، لە ناکاو گوێیان لە دە نگە دەنگێکی نامۆ دەبێت ، خاڵە بەهادینی بە خێرایی لە ژوورە کەوە روو دەکاتە حەوشە ، لە ناکاو ملازم محسین ومەفرەزەیەک ئەمن ده بینێ ، کۆڵان و حەوشە و سەربانیان گرتبووە, سەری سوڕ دەمێنێ .
ئەمنێکیان رووی تێ دەکات :
-ناوت چی یە ؟
-بەهادین
له و چرکەیەدا زە ینەدین–یش دەگاتە حەوشه ،ئەمنەکە پرسیاری لێ دەکات
-ناوت چی یە؟
-زەینەدین نەجمەدین
ئەمنەکە روو دەکاتە ملازم محسین و دەڵێ:
-سەیدی موجود
ئەمنەکان یەکسەر زەینەدین قۆڵبەست دەکەن ،لەوکاتەدا دایکی دەگری و هاوار دەکات ، تکایان لێ دەکات کوڕەکەی نەگرن.
دکتۆر ساجید بە جورئەتێکی پڕلە تەحەدای بێ وێنە وە، روو دەکاته ملازم محسن وئەمنەکان ودوا سەرنجی توڕەیی دەگرێتە دایکی :
-دایە گیان نە بگری ، نەهاوار بکە ، نەتکایان لێ بکە ،ئەمانە بە هەڵە منیان گرتووە ، هیچ تاوانێکم نەکردووە .
ئه و شەوە ملازم محسن و ئەمنی سلێمانی ، چەندان گەنجی شاری سلێمانی دەسگیر کرد ,دوای لێکۆڵینەوە و ئەشکەنجەی جەستەیی و دەرونی لە ئەمنی سلێمانی ، هەیئەی کەرکوک ، ئەمنی عامە
زەینەدین بە ئیرادەیەکی پۆڵاینەوە ، رووبەرووی هەموو جەلادەکان وەستایەوە ، هیچ نهێنی یەکی نەدرکاد .
( 5 ) ساڵ زیندانی حوکمیان داو وگواستیانەوە بۆ زیندانی ئەبوغرێب
،لە 18 / 8 / 1979 دا ، بە لێبوردنی گشتی ئازاد دەکرێت وگەڕایەوە بۆ پەیمانگاو خوێندنی پزیشکی تەواو کرد.
لە 2/ 8 / 1980 رووی کردە هەرێمی 5 قەرەداغ ، کرا بە لێپرسراوی ناوچەی بازیان ،دواتر بوو بە رابە ر سیاسسی تیپی 57-ی سەگرمه.
لە ساڵی 1994 کرا بە سەرپەرشتیاری کۆمیتەی رێکخستنی تەندروستی سلێمانی ، دەیان کاری پڕ لە بەهای خزمەتی بۆ نەخۆش و.نەداران کردووە ،
تا ئێستاش دکتۆر وکارمەندانی تەندروستی سلێمانی وخەڵکی شارو دەرەوەی شارباسی کردەوه وهەڵوێستە باڵا مرۆڤایەتیەکانی دەکەن.
بە جۆرێک کارەکانی بۆ هاوڵاتیان هەڵدەسوڕاند ن و دەرمان و.پێداویستی یەکانی بۆ دابین دەکردن و خزمەتی دەکردن ، کارو کردەو هڵووێستەکانی مایەی تێڕامانی هەستی باڵای مرۆڤ و مرۆڤایەتی بوو.
دەبوو بە براو هاوڕێ ی نەداران ، بەزمانە شیرینە پڕ لە سۆزی خۆشەویستی یەکەی .پێشوازی لێ دەکردن وکارەکانی بۆ بەڕێ دەکردن
دوور له و هەڵسوکەوتە نمایش ودرۆ گەورانەی ، هەندێ لەم مەسئولانەی ئەوساو ئێستا ، هه موو قسه و کرداروبەڵێنەکانیان درۆیە .
دکتۆر ساجید بەهۆی توانای لە بن نەهاتوی خۆیەوه ، چەندان پلەی لێپرسراوێتی پێ بەخشرا ، ئەندام مەکتەبی مەکتەبی رێکخستن بوو .
لە شەوی 18- 19 / 1 / 2006 دوا هەناسەی سپارد.
عە بدوڵڵا کەریم مەحمود
سەرچاوە و پەراو :
ئەم زانیاریانەم لە بەرێزان خاڵە بەهادین مەجید –ی پورزای دکتۆر ساجید و کاک ئازاد جاف -ەوە وەرگرتووه.
*زە ینەدین نەجمەدین ناسراو بەدکتۆر ساجید ،لە ساڵی 1956،لە گەڕەکی سەرشەقام لە شاری سلێمانی لە دایک بووە ،لە ساڵی 1972 پەیوەندی کردوە بە کۆمەڵەوە ، دەرچووی پەیمانگای پزیشکی سلێمانی یە. [1]
=KTML_Bold=ئەم بابەتە بە ڕێنووسی سەرچاوەی ئاماژەپێکراو نووسراوە کوردیپێدیا بەهیچ شێوازێک دەستکاری نەکردووە=KTML_End=