کورد دلۍ چەرخەکا تاریخینە
بەشۍ: نەوەڎ و یەرەمە
نویستەی: #هاوڕێ باخەوان#
ساڵەو (1594ز): سەید ئەحمەڎ بەگ سوڵتان حوسێنو میرو (قوڵپ و باتمان)ی ئەچی سا:ڵېنە کۊچی دمایینش کەردەن.
ساڵەو (1595ز): ئەچی ساڵېنە، یام ساڵەی دمایینەنە محەمەڎ بەگ ساروخان بەگ میرو ساسۆنی کۊچی دمایینش کەردەن.
ساڵەو (1596ز): ئەچی تاریخەنە چڼین قۊمیێ و ئاڵ و فاڕۍ ڕوەشان دێنە، چڼیین کەسۍ دەسەڵاتو میریشا وەرگېرتەن:
ئەبداڵ بەگ میر ئەحمەڎ میرو (مەکس)ی، ئەچی ساڵېنە بە سەروەشی خزان و کۆتەن و مەردەن.
هەر ئەچی ساڵېنە هەڵۆخان کوڕو سوڵتان عەلی سورخاب بەگی سەردارو ئەردەڵانی بېیەن.
چی ساڵېنە فەرمانڕەواو (کلیس)ی جە ناوچەو حەلەبی ۋڕان.
ئەبوبەکر ئاغاو قېخاو زەکریا بەگو زەینەڵ بەگی سەردارو هەکاری کوشېیان.
کەیخەسرەو بەگ سەردارو ناوچەو (سوقمان)ی بېیەن.
چی ساڵېنە مەلیک سوڵتان حوسێن کوڕو مەلیک محەمەڎی، سەردارو حەسەنکێفی بېیەن.
زەکەریا بەگ کوڕو زەینەڵ بەگی سەردارو هەکاری بېیەن.[1]