ئېمەی هۆرامی نەتەوەنمۍ
ماچا نەتەوە یان ناتیون، وەختیو ناتیونا یان نەتەوەن کە یوئێنەنە پەرچەمە (ئاڵا) ش بوو، بڕیویچ ماچا نەخێر نەتەوە بریتیا جە هەستیوی کە دلی ناخ و ئەنداماو گروپیو خەڵکەیەنە تواجدش هەن وەرانوەرو یەکتریۆ. یانی ئەر کابرێوی کورد جە تارانەنە بە لیباسی کوردیوە پیاسەکەرو کەسی وتەر پیدابوو لاقرتی کەرو بە لیباسە کوردیەکاش، کوردیو کە ئینا چەمۆ هەستش جمو وەرانوەرو هاموەڵاتیەکەیش، ئی هەستە پەنەش ماچا هەستی نەتەوەیی، وە هەر ئینەنە پێناسیوی مودیرن مجورە پەی نەتەوەی، بەڵام دەی ئەر کەمیو وردتەرش کەرمۍ ئەر کابرێو فەرەنجیوش لاشانەیەنە بوو سلیمانېیەنە یان هۆلیرەنە یان سنەنە پیاسە کەرو، کابرێو چۆلاوە بەیو گوشۍ فەرەنجی کابرای کیشو بە عینوانو مەسخەرەکەردەی پەنەش، توی هۆرامیچ چەمۆبی. ئایا هەستو هۆرامیەتی مەبو هۆکارو جمایت ڕوەو کابرای؟ بە بڕواو من ئامادەنی دوی شەقیچ شانی. کەواتە گوناح نېیا ئیمەیچ واچمی بەپاو پێناسیوی کە دانشمەنداو بوارو ناسیونالیزمی بەحسشا سەر کەردەن ئیمەی هۆرامیچ نەتەوەنمی.
هۆرامان عەبدولڕەحمان[1]