پەی مامۊسا جەمیلی
خەرمانێ جە ئاستەیۆ زوان وکلتورو هۆرامانی ئی وېرەگا گڕەش گېرتەو پېسە مۆمێو شاراوگەنما سۆچیاو تاویاوە، بەڵام شۆق و ئاسەوارش هەتا دونیادونیانە هەرمەنۆ، بەشێ جەمەنەیۊ زوانی بەزیڎنەیی ئی گەنجینا لەنگەرشا گېرتەبێ، بەنگێوە قایېم و نەتەقای گۆلەو زوانیما ئی جۊرە بلیمەتا گېرتێبێ، کەڵەکەو ڕاگاو بەستەیۆیما بەوەڵینەکاما ئی قسڵ و چیمانتۆیە ئاستێبێ، وەختێ ئینێ مرا ئیتر بیدایەتو کەپر تێکشېیەی دەس پەنەکەرۊ، ئا ساتە ئینێ بارکەرا ئیتر زوانو لاڵیایۆی و حەزینی کۆتاییش پەنەمێو ڕەقس وسەمای کاتی دەس پەنەکەرۊ، تاکو ئینێ دلێمانەبېنێ وارانو پاییزی نەتاوێ هێلیانەو تارېخ ڕەسەنیما تێکە بڎۆ، ئی تایپە ڕەسەنێ جگە وەشی پەی خەڵکی هیچتەرشا مەبەست نەبۍ، یانی گەرەکشانەبۍ سەرو ئا سەمفۆنیا وەشاوە کاسپی سەرو کیسەوخەڵکیوە کەرا، ئەسڵەن وێ ئەرمانایشا لاوە عەیبەبێ، من هیچم چەنەنمێ، بەڵام ئەشېیای لایەنە پەیوەڼیدارەکاو هۆرامانی ویرێچشا چی وەجاخ کۊرەبېیەیۆ کەردېوەو بە موحازەرەو سمینارێ وێ ئەرمانای مەحاڵو هۆرامانیشا مەشغوڵ نەکەردێ.
چېو فرەن چی بارۆ بنویسیۆ، بەڵام ڕەنگا شارەزاتەرەکێ زیاتەر دەمشۊبا خاستەربۆ و، چېوێ تەسەڼۆعیێ نارا بەرهەم.
ماواش بەهەشتبۊ وخوڎا جەگوناحەکاش بویەرۆ و خوڎا شاراوئایندەو ئاڎیچو ئېمەیڿ نەسۆچنۆ. گرکەس کریۆ هەڵە و تاوانش چەدەس بەرشیەبۆ، وەلێم ئانە خوڎان حەق و حساب یەکلاکەرۊوە نەک ئېمەی ئاڎەمیزاڎ.
دکتور عمر زەڵمی.[1]
ئەم بابەتە بەزمانی (هەورامی) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە 85 جار بینراوە
ڕای خۆت دەربارەی ئەم بابەتە بنووسە!