پەی گڵیاوەکاو کەشی
بەشۍ یەکەمە
کەڵێ وات تاتەیچم حەر ئی گڵیاوا کوشت، ۋېرەگانێ لاو هەرەسەکێنە تەقەشا وەنە کەردو پێکاشا زامەکەش فرە سەخت بێ، سەرەچېر کیشېیا، تمەس ملۆ وەرو پلەکێ وەرو زەرداو چا ڕوەرە ملۆو مڕاربۆ، ئېمە حەرگیس بەمەرگو وېما نەلێنمێو حەر بەدەسو ئی گڵیاوا کوشیێنمێ، وێچم ئینە پەی چل شەوا ملۆ، خەفتاننا، خزانی کەڵەلان، تەنیا ۋېرەگانێ دێرنە مزیەوە، کوچێ چرۆ تروکنو ئیتر ئانە گردو قوتیما، ئڼە خۆفەو ئی گڵیاوا ئینا دڵمنە جە شاخاو وێچم تەرسو.
چل شەوە تەمامیا، شەوۍ وەرۋێ وارا سەرکەلا، زانام وەرۋەو کەڵ هەرزینە، کەڵەلاننە زیانێ داڵاو دوەڵا گېڵێنێ سەرکەشانە، تاکو مەرامو دڵیم حاسڵبۊ، بەئاواتو دڵی یاوو، هەرلایێ تەقەو پیچەکێ ئامێ گوورج وېم یاونینێ لاش، ئجێم بزە نەچیرەنە، ئڼە گەنجیی زۊر پەی ئاردە بێنێ، ئانە تەرسیبۆ نێ جاڕەمرە، ناڎرەرەو شاوەیلەکاو حەمەنەسەیرە، یاوانی لوتەو کەرەسی، توشو چشتیرێ ئامانی خاڵومێڵش ڕەشتەبێ، دەسم کەرد خەپلەکەردەی پەیش، بۊڵنێنێ دەورشرە، ئاڎیچە نیازشبێ، خەریکبێ سەرچۆپی زەماونێ کېشمێ، پڕێنە لەرەو ملیم ئاما. کوچېش پەنەشی جادەنگو تەقەکەی ئاما، جە کەمینەکەو پارتیوە تەقنانیشا وەنەو ملم ئاما لارەو خەڵتانو ونێ بېیاو زەماوڼەشا تېکدایېمێ.
عەفان دەرەمەڕی.[1]
ئەم بابەتە بەزمانی (هەورامی) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە 37 جار بینراوە
ڕای خۆت دەربارەی ئەم بابەتە بنووسە!