$گوندێ ڕەمبوسی$
ئەڤ گوندە دکەڤیتە باژێڕۆکێ #شنگال#، ئاکنجیێن ڤی گوندی هەموو ئێزدینە. چەندین جهێن پیرۆزێ ئاینێ ئێزدیان دکەڤنە گوندێ ڕەمبوسی و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ گوندێ ڕەمبوسی لدیف ئامارێن بەری هاتنا داعش بۆ شنگالێ ل ساڵا 2010 نێزیکی ( 2،000) دوو هەزار کەسان بوون، هەرهۆسا لدەمێ هاتنا داعش بۆ شنگال ب سەدەهان کەس ژ گوندێ ڕەمبوسی هاتن کوشتن و بێسەر و شوین کرن و ئەنفالکرن، هەروەسا گەلەک خێزان ئاوەری باژێڕێن #دهۆک# و #زاخۆ# و #سلێمانی# بوینە و کۆچکرینە بۆ وەڵاتێن ئەوروپی. (78) حەفتی و هەشت کەس ژ گوندێ ڕەمبوسی بووینە قوربانی دەستێ دەولەتا ئیسلامی، کۆمەڵا وان کەسێن بوینە قوربانیێ دەستێ داعشێ 37 زەلام بوون و 41 ژن بوون، 6 زەلام و 1 ژن هاتن ئەنفالکرن، 29 زەلام و 19 ژن هاتە بێسەر و شوێن کرن، 2 زەلام و 21 ژن هاتن ڕزگار کرن ژ دەستێ دەولەتا ئیسلامی ب ناڤێ داعش، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ د نهۆ دا گوندێ ڕەمبوسی گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 121 جار بینراوە
ڕای خۆت دەربارەی ئەم بابەتە بنووسە!