برێشکەی جۆ دەخوات، دەستی بەسابوون دەشوات
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (برێشکەی جۆ دەخوات، دەستی بەسابوون دەشوات)، هاوشێوەی ئەو ئیدیۆمە وتراوە: نانی جۆ دەخوات تڕی سوێر دەکات یان دەسماڵ سپی سابوون بە قەرز، لێرەدا برێشکەی جۆ، واتە برژاندنی دانەوێڵەی جۆ بە گڕ و ئاگر، ئەوە کاری هەژار و کەمدەرامەتەکانە دەیکەنە قووتی ماڵ و منداڵیان، ئەگەر کەسێک دەستکوورت و نەدار بێت لە بەرانبەریش لوتبەرز و لە خۆبایی بێت بەتەوسەوە پێی دەڵێن: برێشکەی جۆ دەخوات، دەستی بەسابوون دەشوات.[1]