کورد دلۍ چەرخەکا تاریخینە
بەشۍ: دوەسەڎ و چل و ششەمە
نویستەی: #هاوڕێ باخەوان#
ساڵەو (1912.ز):
* ئەچی ساڵېنە، شۆڕشو ناوچەو بەدلیسی بە سەرداری مەلا سەلیم و شابەهادین و عەلی، خېزیان.
* ئەچی ساڵېنە، مسیۆنێرەکۍ گوڤارو کوردەسانیشان جە ورمێ بەرشنی.
* ئەچی ساڵېنە، ئەدیبی شاعېر کۊچی دمایینش کەردەن بە نەوەشی ئیفلیجی، دلۍ دەگاو ئەرمەنی بلاشی ئەسپەردە کریان.
* محەمەد خاکی شاعېر، ئەچی ساڵېنە کۊچی دمایینش کەردەن.
* ئەچی ساڵېنە، داگیرکەری تورک شېخ عەبدولسەلام بەرزانیش قەنارە دا.
* گوڤارو کوردەسانی دلۍ شارو ورمێ بە سەرپەرەشتی مسیۆنێرەکا چاپ کریا!!!
* تورکەکۍ ئەچی ساڵېنە، خەیری بەگشان کیاست پەی وەرکۆتو کوردەسانی، تاکو جە نزیکۆ شارەزێ ڕاو عەبدولڕەزاق بەدرخانی ببان.
* ئەچی ساڵېنە، ئەفسەر عەبدوڵلا سەعید جە سلێمانی ئامان دنیا.
* هونەرمەڼ محەمەڎ عارف جزیری، ئەچی ساڵېنە جە سەرنیشتو کوردەسانی ئامان دنیا.
* مانگەو (02)ئی ساڵېنە، خېڵەکۍ کرماشانی، بە دیاریکریایی خېڵو بەنی ئەردەڵانی داشا پاڵو سالار ئەلدەولەی.
* مانگەو (02) ئی ساڵېنە، گلېربېیەیۆ چن سەردارێ کوردی جە ئەرزەڕوم، تاکو سەرو باس و خواسو ڕاپەڕینی گفت و گۊ بکەران.[1]