کورد دلۍ چەرخەکا تاریخینە
بەشۍ: دوەسەڎ و چل و هەشتەمە
نویستەی: #هاوڕێ باخەوان#
ساڵەو (1913. ز):
* ئەچی ساڵېنە، شارو سلێمانی (29) مزگیۍ، (3) تەکیۍ، (21) خانەقێ، (3205) یانۍ، (760) دووکانۍ، (31) چایخانۍ، (11) گەماوۍ، (24) ئاساۋۍ، (18) باخۍ، (20) خانۍ، (6) بازارۍ کە 399 دووکانېشا وۍ گېرتېبېنۍ، چەنە بیېنۍ.
* خاڵە ڕەجەب، ئەچی ساڵېنە ئامان دنیا.
* ڕەشەی موختار، ئەچی ساڵېنە ئامان دنیا.
* هامنو ئی ساڵۍ، تورکەکۍ ئەرەکیانو وېشا ناجی بەگ، کیاست پەی کوردەسانی و دەسشان کەرد مۊچیاری کەردەی سەرخېڵە کوردەکان تاکو دژو تورکی نەخېزیان، پەی ئانەی دۆڵەتە بېگانەکۍ دەسنەوزانە دلۍ هەرمان وکارو تورکیای.
* ئەچی ساڵېنە چیرکۆڤ، پی تەرزە ویر و یاوانەو وېش وەراوەر بە کوردی بەرمەوزۊن: ئانەی تاکو ئیسە ملو کوردیرە ئامان یانەوېرانی و کاولبیەی بە دەسو تورکەکا، کە فرەو جاری پېسە نیشانەگېرتەیۆ کوردی دېنۍ وەرو گرۊڵییە تۊپا و چۆلایچۆ کاربەدەسە چەمئاورێکۍ ئێرانی تاکو ئیسەیچ هەر خەریکۍ ڕووتنایۆ کوردینۍ.
* ئەچی ساڵېنە، ۋانگاو ڕوشدییەی سەربازی جە سلێمانی ۋزیانەرەو کریان بە نەۋەشخانە.
* وەڵۍ جەنگی جەهانی یەکەمینە، ژمارۍ نیشتەجایا ئەرزەڕۆمی، وان، بەدلیس و خەرپوتی (2642000) کەسۍ بیېنۍ، چانېشا (1828000) یام موسوڵمانۍ، یام کوردۍ بېنۍ.
* ئەچی ساڵېنە، دەسێ تېکەڵ جە ئینگلیز، ڕووس، تورک، ئێران دەسشانکەرد بە دەسنیشان کەردەی مەرزو میانو تورک و ئێرانی.
* ئەچی ساڵېنە، دەسەو عەجەم ئۆغڵی دلۍ سلێمانینە کوشیێنۍ.
* ئەچی ساڵېوە تاکو ساڵەو (1938. ز.): ئەنسیکلۆپیدیای ئیسلام نریانەرە، بە دەسو کۊمەڵێ زانا و وەرکۆتئەشناسا و بە سەرپەرشتی (کرامۆز و جێب و بێرنارد لویس) و دەسێوە وەرکۆتئەشناسی، ئی ئەنسیکلۆپیدیا چوار بەرگۍ و دماکۊیێ هونەرین کە گەلێ زانیاریۍ سووڎبەخشېش سەرو کوردەسان و کورد و کوردەواری چەنەنۍ.[1]