ساناڵۍ
بەشەی دوەمە
ئادەی کوڕو ئەﮆؽش چەنی برایەکاﮆ لۋدؽ پەی کانەخاکەکاو (گڵیجان)ەکاو تەمو تەپی (تەپو تلەوەری) بازؽ خاک باردؽ با ئا بانجیڵەیە ناومؽ، چؽولای هەوا گەرمش کەرﮆەن مشۋم پەی وتەی بلمؽ بەر شەوەش فؽنکەنە، ۋەرو ئانەیە لۋدؽ پەی یانەو ماموت، واچە ئامانا پەی هەرەکەی و تۋمەبەرەکؽچشا چەنیش باردؽ.
منیچ واتم سەروچەمەکام ئەﮆا گېیان حەر ئیسە، ساتؽو کاتؽ خوای فرە وەشؽنؽ، نانو سەعبؽما واردەن، ڕۊجیار کوچؽ جە قەڵاتؽ ترازیان، حەریۋ بە نەوعؽ خەریکو هەرمان و کارو وؽشا، مەتی سەفیؽ خەریکو نان پەتەینە، ساجەکە نانؽ جوانی تەنکەش ئینا سەرۋ خەریکا برؽژیۆ، هەڵمؽوە تەنکەش چۋوە مؽ، چؽریچش کڵپەو ئایېری و چڵۋسکامؽ هۊرشا خزنۋ، وردە وردە نانەکەی لابەرۆ وزایش وزۋ سەرو نانە شانەکؽ و سەردۋڵەکەیچ پەڕا گونکؽ گولانە گولانؽ، تەشتو هەمیرەکەیچ پەڕا هەمیرو مەسە گولانەکیچش ئینا دەسۆ خەریکەنە تەشتەکەنە هەمیر بڕۋ پەی گونکای تەری.
گرﮆ جارؽ ئەر من و تاتەم دؽما پاڵو یانەیشارە.
هیدایەت هۆرامی.[1]
ئەم بابەتە بەزمانی (هەورامی) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە 30 جار بینراوە
ڕای خۆت دەربارەی ئەم بابەتە بنووسە!