کورد دلۍ چەرخەکا تاریخینە
بەشۍ: دوەسەڎ و نەوەڎ و یەرەمە
نویستەی: #هاوڕێ باخەوان#
ساڵەو (1921ز.):
* ئەچی ساڵېنە، تورکە کەمالییەکۍ پەلامارەو سەرو ناوچەکانو کۆچگیریشان دا، نزیکەو (110) کۊششکارۍ کورڎیشا قەنارە دێ.
* بەرشېیەو ڕۊنامەو کورڎی جە شارو ورمێ، کە زوانحاڵو سمکۆ شکاکی بۍ.
* بەپاو ڕاپۆرتێ بەریتانی، ژمارەو کورڎی دلۍ ویلایەتو موسڵی ئەچی ساڵېنە (424720) کەسۍ بیېنۍ.
* ئەچی ساڵېنە، خېڵو هەمەوەڼی جە ناوچەو چەمچەماڵی ڕاپەڕێنۍ.
* ئەچی ساڵېنە، تورکە کەمالییەکۍ سەرکۆتېنۍ ملو سوپاو یۆنانیرە.
* ئەچی ساڵېنە، داگیرکەری ئێرانی بە یاردی خېڵو قەرەچەداشی هېرشش کەرد سەرو هېزەکانو سمکۆی، ئەنجامەنە مەڕیێ و سەردارو خېڵو قەرەچەداشیچ بە نامۍ (سام خان) کوشییان، نامبریا دەسش جە کوشتەی جەوهەر ئاغاو شوکاکی، براو سمکۆینە بېیەن.
* تاریخو (#10-01-1921#ز.) وتارێ بە نامۍ (چن ورد دیایێ و سەرنجێ سەرو کورڎی) جە لاو (ب. نیکیتین)ی وەڵا بیېنۆ.
* مانگەو (02) ئی ساڵۍ تاکو مانگەو مارتی، کۊنفرانسو لەندەنی بەسیان، دلېشەنە مەسەلۍ گرفتو کورڎی ئامان دلۍ، ئینگلیزەکۍ نەسازیێ کە یۊ جە بەدرخانییەکا بکریۊ بە وەرپەرسو کار و بارو کورڎی.
* مانگەو (03) ئی ساڵېنە، یۊنانییەکۍ هېرششان کەرڎەن پەی سەرو تورکیای، یاوێ نزیکو ئەنقەرەی پایتەختی.[1]