کورد دلۍ چەرخەکا تاریخینە
بەشۍ: دوەسەڎ و نەوەڎ و ششەمە
نویستەی: #هاوڕێ باخەوان#
ساڵەو (1921ز.):
* تاریخو (#18-08-1921#ز.) گرڎپەرسیێ جە ئېراق و پانیشتو کوردەسانی لواڕاوە، پەی هۊرچنیەی فەیسەڵی بە پاڎشاو ئېراقی و پانیشتی.
* تاریخو (#23-08-1921#ز.) شازادە فەیسەڵ کریا بە پاڎشاو ئېراقی بە زۊرو سەرەنېزا بەریتانیای.
* مانگەو (09) ئی ساڵېنە، ئینگلیزەکۍ فرمانو گېڵنایۆ مەحمووڎ خانو دزڵیېشا جە هیندستانۆ بەرکەرد، بەڵام پا شەرتۍ هەر جە سلېمانی مەنۊوەو نەگېڵۊوە پەی وەرکۆتی، بەڵام ئاڎ هەر زوو بەڵېنەکەش ماڕا.
* مانگەو (09) ئی ساڵېنە، ئینگلیزەکۍ پۆلێ ۋانگاو میانیشان دلۍ شارو سلېمانینە کەردۆ.
* مانگەو (09) ئی ساڵېنە، چن کیانیێ ناسیونالیستی تورکی پېوەڼیشان بە کوردەکانو سەرنیشتیۆ کەرد، تاکو هېمنی بگېڵۊوە پەی ناوچە کورڎییەکا، بەڵام سەرنەکۆتۍ.
* مانگەو (09) ئی ساڵېنە، ژمارێ شارەزێ سەربازی ئینگلیزی یاوێ ئېراق و دەسکریا بە فاڕایۆ بەشی فرەو هېزی لیڤی جە ناوچەکانو فوراتیۆ پەی کوردەسانی.
* مانگەو (10) ئی ساڵېنە، تورکەکۍ بە نیازو مرکنارەی هۊرخېزیاکا سەرنیشتی، دابەشکەردەی کارگێڕی ناوچەو دەرسیمی فاڕان و دەس بە سەربازگیری مەکەران، بەڵام پېچەوانە شۆڕش زېیاتەر پەرەش سانا.
* مانگەو (10) ئی ساڵېنە، خەلیل بەدرخان و چوار ئەندامۍ کۆڕو یانەی کورڎی جە ئەستەمبوڵۆ سەردای بەغڎایشا کەرد، چاگە ئینگلیزەکۍ چەنیشان نیشتېرەو دلېشەنە باسو گرفتو کورڎی کریا و گەرەکشان بۍ بە قازانجو وېشان بەکارشان باران.[1]