بە داخ و پەژارەیەکی زۆرەوە هەواڵی کۆچی دوایی نووسەری ناودار کاک (جەلال زەنگابادی) مان پێ گەیشت. پرسە و سەرەخۆشیی خۆمان لە خانەوادە و دۆستانی دەکەین. دوا خەم و ناخۆشییان بێت و جێی مامۆستای نەمریش بەهەشتی بەرین بێت.[1]
یەکێتیی نووسەرانی کورد/ لقی هەولێر
2023/9/5
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەڕێزان سەرۆک و ئەندامانی #یەکێتیی نووسەرانی کورد#
بەبۆنەی یۆبیلی زێڕینی یەکێتیی نووسەرانی کورد، گەرمترین پیرۆزباییتان پێشکەش دەکەم، هيوای سەرکەوتن و بەردەوامیتان بۆ دەخوازم. بێگومان ڕێکخراوەکەتان ڕۆڵێکی دیار و کاریگەری لە بزاڤی ئەدەبی و ڕۆشنبیریی گەلی کوردستاندا هەبووە، بەتایبەتیش لەپاراستن و گەشەپێدانی زمانی کوردیدا. هەروەها ڕۆڵی یەکێتیی نووسەرانی کورد لە داکۆکیکردن لە مافە دیموکراتی و نەتەوەییەکانی گەلی کوردستاندا لە یاد ناکرێ کە بە بەرهەمە بە نرخەکانی، خزمەتێکی زۆری بە بزووتنەوەی ڕووناکبیریی نەتەوەکەماندا کردووە.
ئومێدی پێشکەوتننتان بۆ دەخوازم و هیوادارم لە کاروانی پڕ پەخششتان لە پێناو خزمەتکردنی زمان و ئەدەبی کوردیدا بەردەوام بن.
#مەسرور بارزانی#
سەرۆکی حکومەتی هەرێمی کوردستان
#10-02-2020#

ئا: عەبدولڕەحمان فەرهادی

لای ڕاستەوە: 1- #شێرکۆ بێکەس#، 2- #هیوا قادر#
کۆنگرەی #یەکێتیی نووسەرانی کورد#
17-01-1991 شەقڵاوا.

یەکێتیی نووسەرانی کورد / لقی هەولێر لە ماوەی پێنج ساڵی ڕابردوودا و تا ئێستاش لە کار و چالاکییە بەردەوامەکانیدا هەموو پێنجشەممەیەکی تەرخان کردووە بۆ ئێوارە کۆڕی کولتووری و ئەدەبی، کە بە شایەدی دۆست و نەیارانیشی، چالاکترین ڕێکخراوی ڕۆشنبیری بووە لە کوردستاندا، ئەم ئێوارە کۆڕانەش تەرخان بووە بە بابەتی جۆراوجۆر، بێ ئەوەی سانسۆر لەسەر بەرهەمەکان هەبێت و تیایاندا کەسانی بە توانا و ناودار و ڕۆشنبیرانی کوردستان و دەرەوەش بە هەموو بیروڕا جیاوازەکانەوە لە ئێوارە کۆڕەکانماندا چ وەک میوان یان وەک پێشکەشکاری بابەت و لێکۆڵینەوە لەو ماڵەی نووسەراندا بەشدارییان کردووە، کە بە هەق بووەتە سەنتەر و ماڵێکی گەورەی ڕۆشنبیری و تێکڕای نووسەران و ڕۆشنبیران و تەنانەت هونەرمەندان و ڕۆژنامەنووسانیش.
لە ماوەی ئەم چەند ساڵەدا دوور لە ماندوو بوون، لە سازدانی سەدان کۆڕ و چالاکیی جۆراوجۆردا، سەرباری کێشەی گەورەی قەیرانی دارایی و دەستکورتیی، تووشی کێشە و ئارێشەش هاتووین و توانیومانە بەوپەڕی بێلایەنی و دڵسۆزییەوە کاری بەردەوام بکەین بۆ خزمەتی ئەدەب و کولتووری کوردیمان.
لە دوا ئێوارە کۆڕماندا کە لە ڕۆژی پێنجشەممە ڕێکەوتی 21-07-2016 بۆ د. فەرهاد پیرباڵ کرا، وەک لە کەناڵەکانی ڕاگەیاندن و ڕۆژنامە و تۆڕی کۆمەڵایەتیی فەیسبوک و ماڵپەڕەکاندا بڵاومان کردەوە و لەسەر داوای ناوبراو خۆی، بابەتی پێشکەش کردنی کۆڕەکە، بریتی بووە لە خوێندنەوەی سێ چیڕۆکی تازەی، کەچی بە داخەوە لە سەرەتای کۆڕەکەدا کۆمەڵێک قسەی تری تێهەڵکێش کرد و بابەتەکەی بە لایەکی دیکەدا برد کە پێوەندیی بە ناوونیشانی کۆڕەکە و چیڕۆکەکانییەوە نەبوو و قسەکانی لە بیروڕا و بۆچوونی ئێمەش بەدوور بوو، دواتریش ئێمە لە کۆڕەکەدا بە ناوی لقەکەمانەوە ڕامانگەیاند کە ئەم باس و بابەتانە بە دوور و نزیک گوزارشت لە بیروڕامان ناکەن، هەروەها ناوبراو پێشتر چۆن بەشی زۆری قسەکانی کۆڕەکەی لە ڕۆژنامەی (وشە)دا بڵاوکردووەتەوە، لە ئێوارە کۆڕەکەشدا هەمان بابەتی لەبارەی شاری سلێمانییەوە دووبارە کردەوە کە بە لای ئێمەوە شاری سلێمانی پایتەختی زیندووی ڕۆشنبیریی کوردی و لانەی هەزاران شاعیر و ئەدیب و تێکۆشەری کوردە و قەتیش ڕێگامان نەداوە و ناشدەین کە سەکۆی ئازادیی بیروڕا لە لقەکەمان بکرێتە شوێنی هێرش بۆ سەر هیچ شار و لایەن و کەسایەتییەک، ئەوەی ڕووشیدا بووە جێی ناڕەزاییمان. هەروەها لە ئێوارە کۆڕەکەدا ناوبراو دەستدرێژیی کردە سەر یەکێک لە ئەندامانی لقەکەمان کە بەلامانەوە کارێکی نالەبار بوو. بۆیە بە پێویستی دەزانین بە ناوی لقەکەمانەوە داوای لێبوردن لە ئەندامانی لقەکەمان و خەڵکی سلێمانی و ئەو کەسایەتییە بەڕێزانەی خەڵکی سلێمانی بکەین کە لە کۆڕەکەدا ئامادە بوون. پەیامی ئێمە هەردەم بەرز ڕاگرتنی کولتوور و خزمەتی نووسەران و خۆشەویستی و تەبایی و یەکڕیزیی گەلەکەمان بووە لە پێناو سەرکەوتنمان بەسەر دوژمنان و گەیاندنمان بە کەنارەکانی سەربەخۆیی کوردستان.
یەکێتیی نووسەرانی کورد / لقی هەولێر
23-07-2016

عەبدولڕەحمان فەرهادی

شوێن: #سلێمانی#
ڕۆژ یان ساڵی گیرانی وێنەکە: 1970
کەسایەتییەکانی ناو وێنەکە: ڕاوەستاوەکان: جەمال شارباژێری، تاهیر ساڵح سەعید، مەحمود کزەڵ، عەبدولمەجید، حەبیب قەرەداغی، ئەمین میرزا کەریم، محەمەد عارف، محەمەد زێوەر، ئەژی گۆران، کەریم زەند، کامیل ژیر، محەمەد نوری تۆفیق، هۆگر گۆران، کامەران موکری.
دانیشتوەکان: جەلال مەحمود عەلی، حەمەساڵح سەعید، محەمەد کوردی، شێخ محەمەدی خاڵ، شاکر فەتاح، ڕەئوف، ئەحمەد کەریم.
خوارەوە: مستەفا ساڵح کەریم، سەعید ئاوارە، ڕەشید هەورامی، غەفور ڕەشید دارئاغا، جیهان عومەر.
ناوی وێنەگر: نەناسراو[1]