باشووری کوردستان
- فارسەکان لە ئێرانەوە هێرشێکی موشەکییان کردەسەر هەولێرهەولێر و زیانی ماددی و بریندارێکی لێکەوتەوە.[1]

دەقی پەیامەکەی بافڵ تاڵەبانیبافڵ تاڵەبانی:
‎بەداخەوە جارێکی تر ئارامی و ئاسایشی هەرێمی کوردستان کرایە ئامانج و شاری هەولێرهەولێری خۆشەویست ڕووبەڕووری هێرشێکی تیرۆریستی بووەوە. بەتوندی ئیدانەی ئەو هێرشانە دەکەم و هیوای سەلامەتی بۆ خەڵکی خۆشەویستی هەولێر دەخوازم.
‎دووبارەبوونەوەی ئەو هێرشانە مایەی نیگەرانییە و ئاماژەیەکی ڕوونە بۆ تێکدانی سەقامگیری هەرێمی کوردستان. ئەرکی هەموومانە پێکەوە پارێزگاری لە خاک و خەڵکەکەمان بکەین و ڕووبەڕووی تەحەدییەکان بوەستینەوە.
‎پاراستنی ئاسایشی هەولێر و سەلامەتی گیانی خەڵکەکەی بە ئەرکی خۆمان دەزانین. یەکێتیی نیشتیمانیی کوردستان ئامادەی هەموو پشتیوانی و هاوکارییەکە بۆ دۆزینەوەی تاوانباران و ئەنجامدەرانی هێرشە تیرۆریستییەکە.
‎بافڵ جەلال تاڵەبانیجەلال تاڵەبانی[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی فراکسیۆنی یەکێتیی نیشتمانیی کوردستانیەکێتیی نیشتمانیی کوردستان لە ئەنجومەنی نوێنەرانی عیراق:
فراکسیۆنی یەکێتی لە ئەنجومەنی نوێنەرانی عیراق بەتوندی ئیدانەی هێرشەکانی شەوی ڕابردووی سەر شاری هەولێرهەولێر دەکات.
ئەمجۆرە هێرشانە بەئامانج گرتنی ئارامی هەرێمی کوردستان و سەروەری خاکی عیراقە، بەنیگەڕانیەڕانیەکی قووڵەوە لەم پێشهاتانە دەروانین و پاراستنی ئارامی هەرێمی کوردستان و خەڵک و خاکەکەی بەئەرکێکی لەپشینەی هەموولایەک دەزانین.
ئەم پەلامارانە تەنها نائارامی دەخوڵقێنێ و خزمەتی بەرژەوەندی هیچ لایەک ناکات. پێویستە لێکۆلینەوەی ورد بکرێ بۆ دۆزینەوەی ئەنجامدەرانی.
ئەم پەلامارانە کە مەترسین بۆ سەر هەرێمی کوردستان، پێویستە هانمان بدات بەگفتوگۆی بەرپرسیارانەی نیشتمانی کێشەکان چارەسەر بکەین و ڕیزەکانمان یەکبخەینەوە.
هەرێم کەمال ئاغا
سەرۆکی فراکسیۆنی یەکێتی لە
ئەنجومەنی نوێنەرانی عیراق
13-3-2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی فراکسیۆنی یەکێتیی نیشتمانیی کوردستانیەکێتیی نیشتمانیی کوردستان لە پەرلەمانی کوردستان:
بە ناوی فراکسیۆنی سەوز لە پەرلەمانی کوردستان بە توندی ئیدانەی ئه و هێرشە موشەکییە دەکەین کە شەوی ڕابردوو کرایە سەر هەولێری پایتەختی هەرێمی کوردستان.
بە داخەوە ئەم هێرش و دەستدرێژییانە بۆ سەر شاری هەولێر، زیاتر لە جارێکە دووبارە دەبنەوە، کە ئامانج لێی تێکدانی ئارامی و ئاسایشی پایتەختی هەرێمی کوردستان و دروستکردنی نیگەرانی و دڵەراوکێیە لە نێو هاووڵاتیاندا.
هەر بۆیە وێڕای ئیدانە کردنی ئه و دەستدرێژیە، جەخت لە پاراستنی ئارامی و ئاسایشی شاری هەولێر و پاراستنی سەروماڵی هاووڵاتیانی خۆشەویست دەکەینەوە، لە هەمان کاتدا داوا لە لایەنە پەیوەندیدارەکان لە حکومەتی هەرێمی کوردستان و حکومەتی فیدراڵی دەکەین کاری جددی بکەن بۆ پاراستنی ئاسایش و سەروەری خاکی هەرێم و دانانی سنوورێک بۆ ئه و دەستدرێژییانەی بەناڕەوا دەکرێنە سەر هەرێمی کوردستان.
فراکسیۆنی سەوز لەپەرلەمانی کوردستان
13-3-2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی گوتەبێژی حکومەتی هەرێمی کوردستان:
بەرەبەیانی 13ی ئاداری 2022، هێرشێکی مووشەکی کرایەوە سەر چەند شوێنێکی هەولێرهەولێری پایتەختی هەرێمی کوردستان.
ئێمە سەرەڕای ئیدانەکردنی ئەم هێرشە تیرۆریستییە، هاووڵاتیانمان دڵنیا دەکەینەوە، کە هیچ هەوڵێکی تیرۆریستی ناتوانێت زەفەر بە هەرێمەکەمان بەرێت و ئاسایش و ئارامی نیشتمانەکەمان تێکبدات.
د. جوتیار عادل
وتەبێژی حکومەتی هەرێمی کوردستان
13ی ئاداری 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی مەسعود بارزانی:
بەناوی خودای بەخشندە و میهرەبان
زۆر بە توندی ئیدانەی پەلاماری ترسنۆکانەی شەوی ڕابردووی سەر هەولێر دەکەین، ئەوە تاوانێکە دژی مرۆڤایەتی.
بە درۆ و چەواشەکاریی ناحەزانیش حەقیقەت و نیەتی پەلاماردەران پەردەپۆش ناکرێت.
جەختیش دەکەینەوە هەروەک چۆن هەولێر لەبەرانبەر هۆلاکۆ کۆنەکان خۆڕاگر بوو لەبەرانبەر هۆلاکۆ تازەکانیش خۆڕاگر دەبێت و ناچەمێت.
داوا لە گەلی کوردستانیش دەکەم لە بەرانبەر ئەو هەڕەشە و پەلامارانەدا خۆڕاگر بن.
مسعود بارزانی
13ی ئاداری 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی نێچیرڤان بارزانی:
زۆر بە توندی ئه و هێرشە مووشەکييە سەرکۆنە دەکەين، کە درەنگانی شەوی ڕابردوو بە شێوەيەکی ترسنۆکانەی دڕندە، بە بێ هيچ پاساوێک خەڵک و ئارامی و سەقامگيريی هەولێری پايتەختی هەرێمی کوردستانی بە ئامانج گرت.
سوپاس بۆ خوای مەزن، کە هيچ زيانێکی گيانی لێنەکەوتەوە. هاوسۆزی هاووڵاتيانی خۆشەويستی هەولێرين، کە لە نيگەرانی و دڵەڕاوکێدا کاتێکی سەختيان بەڕێکرد. بەرەنگاربوونەوەی تەحەدی و هەڕەشە و مەترسييەکان، تەبايی و يەکڕيزی و کاری پێکەوەيی لە هەموو لايەن و پێکهاتەکانی کوردستان دەخوازین.
بە ئامانجگرتنی به و شێوەيەی هەولێر و دووبارەبوونەوەی، پێشهاتێکی ترسناک و پێشێلکردنی زەقی ئارامی و سەقامگيری و سەروەريی عێراقە و جگە لە ئاڵۆزکردنی دۆخەکە و زيانگەياندن بە ئێستا و داهاتووی تەواوی عێراق، هيچ ئەنجامێکی ديکەی نابێت .
داوا لە حکومەتی فيدراڵيی عێراق و کۆمەڵگەی نێودەوڵەتی دەکەين، بە جددی لەسەر ئەم دەستدرێژيیانە بوەستن و هەموو هەوڵێک بدەن تا چيتر ڕێگە نەدرێت بێڕێزی بە سەروەری و سەقامگيريی وڵات و ئاسايش و ئاراميی هاووڵاتييانی بکرێت.
نێچيرڤان بارزانی
سەرۆکی هەرێمی کوردستان
2022/3/13[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی وتەبێژی یەکێتیی نیشتمانیی کوردستان:
لە پەرۆشیمان بۆ پاراستنی ئارامی و ئاسایشی هەرێمی کوردستان، بە توندی ئیدانەی هێرشە موشەکیەکەی شەوی 12ی-13ی/2022/3 دەکەین، کە جارێکی تر کرایەوە سەر چەند ناوچەیەکی شاری هەولێری پایتەخت.
ئێمە لە یەکێتیی نیشتمانیی کوردستان هەر جۆرە پەلامارێک بۆ سەر هەرێمی کوردستان بە هەوڵی تێکدانی ئارامی و ئاسایش و سەقامگیری دادەنین. بۆیە ئەرکی هەموو لایەکە پێکەوە هەوڵەکانمان بۆ ئارامی وسەقامگیر هەرێمی کوردستان وپاراستنی سەروەریی خاکی عیراق یەکبخەین.
ئەمین بابە شێخ
وتەبێژی یەکێتیی نیشتیمانیی کوردستان
2022/3/13[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

کاتژمێر 1ی بەرەبەیانی ئەمڕۆ 13-03-202213-03-2022، لە رێگەی چەند مووشەکێکەوە پەلامارێکی دوژمنکارانە و شکستخواردوو کرایە سەر شاری هەولێرهەولێری پایتەختی هەرێمی کوردستان، کە خۆشبەختانە زیانی گیانی لێنەکەوتەوە. ئێمە لە پارتی دیموکراتی کوردستانپارتی دیموکراتی کوردستان زۆر بە توندی ئەو پەلامارە سەرزەنشت و ریسوا دەکەین و بە پەلاماردانێکی دژ بە دانیشتوانی هەولێری نموونەی پێکەوەژیان و ئارامی بە تایبەتی و کوردستان بە گشتی دەزانین.
لەو بارەوە داوادەکەین ئەو کارە دوژمنکارانە دووبارە نەبنەوە و هەموو لایەک لەسەر ئاستی هەرێم و عێراق بە جیددی کاربکەن و هەوڵ بدەن بۆ رێگە گرتن لەو دیاردە و ئەو کارە نابەجێیانەی کە ئامانج لێیان گێرەشێوێنی و ئاژاوانانەوە و شێواندنی بارودۆخی ئارام و ئاسایش و سەقامگیریی هەرێمی کوردستانە، ھاوکات جاوەڕوانیمان لە کۆمەڵگای نێودەوڵەتی و ئەنجوومەنی ئاسایش و سەرجەم وڵاتانی ھاوپەیمان و دۆستە کە ھەڵوێستی روون و راشکاوانەیان رابگەیەنن بەرامبەر ئەو پێشێلکاریەی دەکرێتە سەر سەروەری ھەرێمی کوردستان و عێراق.
لە کۆتاییدا هاووڵاتیانی دڵسۆز و خۆراگری کوردستان دڵنیادەکەینەوە کە شاری هەولێر هەمیشە ئارام و سەقامگیر و ئاوەدانتر دەبێت و، بە ئیڕادەی بەھێزی گەلەکەشمان وەکو ھەمیشە دوژمن و ناحەزانمان ریسوا و شەرمەزارتر دەبن. [1]

مەکتەبی سیاسی
پارتی دیموکراتی کوردستان
13-03-202213-03-2022
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

درەنگانی شەوی 13-03-2022 کاژێر 01:03 بەکاتی کوردستان بە 12 مووشەکی بالستیکی لە دەرەوەی هەرێمی کوردستان و عێراق هیرشکرایە سەر بنکەی هاوپەیمانان نزیک فرۆکەخانەی هەولێر و چەند شوێنێکی شاری هەولێرهەولێر، وە وێنەکەش شاری هەولێرە لەلایەن هێرشبەرانەوە گیراوە و بڵاو کراوەتەوە کە تێدا ئەو شوێنانە دیارن کە موشەکەکانی لێ کەوتۆتەخوارەوە و جگە لەزەرەری ماددی هیچ زەرەریکی گیانی نەبووە.[1]