ڕۆژی دووشەممە 06-01-2019 لە کۆنگرەیەکی ڕۆژنامەوانیدا وتەبێژی بەڕێوەبەرایەتی پۆلیسی پارێزگای #هەڵەبجە# ئاماری دۆسیە و تاوانەکانی ساڵی ڕابوردووی خستەڕوو کە تیایدا دوو هەزار و 991 تاوانی جۆراوجۆر تۆمار کراون و 99 هاوڵاتیش بونەتە قوربانی ڕووداوەکانی هاتووچۆ.
ڕاید بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە ئاماژەی بەوەکرد، لە ساڵی ڕابزردوودا سێ حاڵەتی کوشتنی بە ئەنقەست و 194 حاڵەتی لێدانی بە ئەنقەست و 125 حاڵەتی دزیکردن و 59 حاڵەتی فێڵکردن و 36 چەکی بێ مۆڵەت دەستیان بەسەردا گیراوە.
هەر لە ساڵی ڕابوردوودا، 14 هاوڵاتی بە ڕووداوی هاتووچۆ گیانیان لە دستداوە و 85 کەسیش بە هەمان هۆکار بریندار بوون، لەگەڵ ئەوەشدا 54 حاڵەتی لێخوڕینی ئۆتۆمبێل بە بێ مۆڵەت تۆمار کراون، هاوکات 27 حاڵەتی خراپ بە کار هێنانی ئامێرەکانی پەیوەندیکردنیش تۆمار کراون لەگەڵ تۆمارکردنی 106 حاڵەتی کێشەی خێزانی.[1]