- ڕێکخراوی ژینگە بۆ تەندروستی و خزمەت بە هاوکاری، خۆپاراستنی تەندروستی #گەرمیان# ئاگادارییەکیان بڵاو کردووەتەوە، تێیدا ئاماژە بە مەترسی بڵاوبوونەوەی پەتای کولێرا دەدەن.
- پۆلیسی دارستان و ژینگەی #سلێمانی# ئاشکرایدەکات کە لەماوەی 48 کاتژمێری ڕابردوودا لە هەریەکە لە سنووری قەزای #دەربەندیخان# و #دوکان#ی سەر بە پارێزگای سلێمانی، بەهۆی ئاگرکەوتنەوەوە زیاتر لە 200 دۆنم پوش و پاوان و گەنمی جوتیاران سووتاوە.[1]
- بەڕێوەبەرایەتی پەیوەندییە گشتییەکانی قەرارگای حەمزە ڕایگەیاند: تیمێکی تیرۆریستی کە بە نیازبوون کردەوەی تیرۆریستی و نائەمنی لە نێوخۆی وڵات دروستبکەن، بەرەبەیانی ئەمڕۆ لەلایەن هێزەکانی قەرارگای حەمزەی سوپای پاسداران لە شاری #سنە# پێیان زانرا و دواتر لە پێکدادانێکدا سێ کەس لە تیرۆریستەکان کوژران و کەسێکیان دەستگیرکرا.[2]
- پۆلیسی #کەرکووک# دەستگیرکردنی 40 گومانلێکراو و داواکراوی ڕاگەیاند، لە ئۆپەراسیۆنێکی فراواندا کە ئەمڕۆ لەشارەکە ئەنجامیدا.
- ژمارەیەک لەکەسایەتی و سەرۆک هۆزەکانی کەرکووک ئەمڕۆ دامەزراندنی ئەنجومەنی عەشایەریان لەباشوری خۆرئاوای پارێزگاکە ڕاگەیاندو خۆیان بێ بەریکرد لەهەر کەسێکی سەر به و هۆزانە کە پەیوەندی بە داعشەوە هەبێت.[3]
- ژن و مێردێک لە ماڵەکەی خۆیاندا لە گەڕەکی بەختیاری لە شاری سلێمانی بە سەربڕدراوی دۆزرانەوە، سەرچاوەیەکیش لە پۆلیسی سلێمانی دەڵێت شوێن پێی ئه و کەسانەی کە تاوانەکەیان ئەنجامداوە دۆزراوەتەوە.[4]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان