ساڵی1941 یا 1946 لە شاری #کرماشان# هاتۆتەدنیا. بۆ ماوەی 15 ساڵ لەگوندەکانی ناوچەی کرماشان مامۆستای قوتابخانە بووە. ساڵی 1966 لە زانکۆی تاران لە بەشی ئەدەبی فارسی وەردەگیرێ و لەم زانکۆیە تا قۆناغی ماستەری بەشی دەروونناسی پەروەردە دەخوێنێت. هاوکات لەناوەندی زانستی باڵای تاران هەتا قۆناغی ماستەری ڕاوێژکاری و ڕێنوێنی وانەخوێندن درێژە بە خوێندن دەدات.
دەروێشیان ئەندامی بنکەی نووسەرانی ئێرانە و خاوەنی چەندین پەرتووک و بەرهەمی ئەدەبی بەهێزە، لە بوارە جیاجیاکانی ئەدەبیاتدا؛ بەتایبەت لە بواری فەرهەنگی خەڵکی ئاساییدا کۆمەڵێک کار و پڕۆژەی بەنرخی ئەنجامداوە. جیا لەمانەش چەندین پەرتووکی ڕۆمان و بەرهەمی چیرۆکی بە زمانی فارسی نووسیوە کە لەم چیرۆکانەدا زیاتر گرینگیداوە بە خەبات و کێشەی گەلی کورد و بابەتەکۆمەڵایەتییەکان.=KTML_Photo_Begin=https://www.kurdipedia.org/files/relatedfiles/2008/467/0005.JPG=KTML_Photo_Alt=عەلی ئەشرەف دەروێشیان=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/467/0005.JPG=KTML_Photo_End=
سەرجەمی پەرتووک و بەرهەمە نووسراوەکانی دەروێشیان کە تا ئێستا ئامادە و چاپ و بڵاوکراوەتەوە، زیاتر لە 60 بەرهەمە کە بریتین لە بوارەکانی چیرۆک بۆ منداڵان و مێرمنداڵان، کۆکردنەوە، کوورتە چیرۆک و ڕۆمان و فەرهەنگی خەڵکی ئاسایی.
گرنگترین و بەرچاوترین بەرهەمی عەلی ئەشرەف دەروێشیان نووسین و کۆکردنەوەی پڕۆژەیەکی گەورەیە بەناوی فەرهەنگی ئەفسانەکانی خەڵکی ئێران لە 20 بەرگدا کە بەرهەمی 22 ساڵ هەوڵ و تێکۆشانی ئەم نووسەرەیە. ئەم فەرهەنگە کۆمەڵە چیرۆکێکی سەرنجڕاکێش و مێژووییە کە بەشێوەی گشتی و ئەلف بێیی سەرجەمی ئەفسانەکانی خەڵکی سەرتاسەری وڵاتی ئێرانی لە20 بەرگی جیاوازدا لەخۆگرتووە.
پەرتووکی فەرهەنگی ئەفسانەکانی خەڵکی ئێران بە هاوکاری ڕەزا خەندان #مەهاباد#ی ئامادەکراوە و لەلایەن دەزگای چاپ و پەخشی پەرتووک و فەرهەنگ لە تاران چاپ و بڵاوکراوەتەوە.
شایەنی باسە بۆ یەکەم جارە لە ئێران فەرهەنگێکی وا دەوڵەمەند کۆ دەکرێتەوە و تا ئێستا تەنیا 5 وڵات لە تەواوی جیهاندا ئەفسانەکانیان بەم جۆرە و بەشێوەی ئەلفبێ ئامادە و چاپ کردووە. [1]
- لە ڕۆژی #26-10-2017# لە تەمەنی (76) ساڵی بە نەخۆشی لە شاری تاران کۆچی دوایی کردووە.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 58,653 mal angesehen
Schreiben Sie Ihren Kommentar zu diesem Artikel!