ساڵی 1169 لەقەڵای هەولێر لەبنەماڵەیەکی ناودارو و ڕوناکبیری ئەو سەردەمە لەدایک بووە، لە هەولێر خوێندنی تەواو کردووە و هەر لەوێش بۆتە یەکێک لەوەزیرە ناودارەکانی ئەتابەکییەکان، کە مەغۆلەکان ساڵی 1237 هێرشیان هێنایە سەر هەولێر، ئیبنول موستەوفی لەقەڵاوە لەگەڵ خەڵکی شاردا بەرگری کرد.دوای ئەوە فەرمانڕەوای موسڵ ناردیە شوێنی و لەوێ دوا دوو ساڵی ژیانی بردە سەر. بەناوبانگترین کتێبی ئیبنول موستەوفی (مێژووی هەولێرە)، بەپێی قسەی مێژوونووسانی کۆن ئەم کتێبە بریتییە لە چوار بەرگ، بەڵام بەداخەوە تا ئێستا تەنها دەستنووسی بەرگی دووەمی دۆزراوەتەوە کە لە مۆزەخانەی بەریتانیایە، وا دیارە (ئیبنول موستەوفی) کتێبەکەی بۆ باسی گەورە پیاوانی هەولێر و ئەو ناودارانە تەرخان کردووە کە هاتوونەتە شاری هەولێر. (ئیبنول موستەوفی) هەمان کات یەکێک بوو لەشاسوارەکانی مەیدانی ئەدەب و زوبانیش، هۆنراوە قورسەکانی (موتەنەبی) و (ئەبو تەمام)ی لە (10) بەرگی سەربەخۆدا لێکداوەتەوە.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 10,858 mal angesehen