عەزیز شاروخ لە ساڵی 1938 لە گەڕەکی قەبران لە شەقامی وەفایی شاری #مەھاباد# لە دایک بووە. ناوی باوکی عەبدوڵلایە و بەپێی سەرچاوەکان باپیری لە دێر زەمانەوە لە باشووری کوردستان بەرەو ڕۆژهەڵاتی کوردستان کۆچی کردووە و لە ناوچەکانی مەنگوڕایەتی نیشتەجێ بوونە دایکی ئەو ناوی ئامینەیە و خەڵکی ناوچەی نەهری لە باکووری کوردستانە و خوێندنی لە ساڵی 1961 تەواو کردووە و بووەتە مامۆستا، لە ساڵی 1963 لە لایەن دەزگا ئەمنییەکانی ئەو کاتی ئێران بە ناوی (ساڤاک) بە تۆمەتی کاری سیاسی دەستگیر دەکرێت و بۆ ماوەی سێ ساڵ زیندانی دەکرێت. لە ساڵی 1966 لەگەڵ کچکێک بەناوی کوبڕا ژیانی هاوسەرێتی پێک دەهێنێت. کە بەرهەمی ئەو ژیانە 5 مناڵی کچ دەبێت. لە ماوەی ئەو 3 ساڵەی کە لە زیندان دەبێت باوک و برای کۆچی دوایی دەکەن و قورسی ژیان بۆ سەر شانی زیاتر دەبێت. دوای دوو ساڵ لە ژیانی هاوسەرێتی کچی یەکەمی بەناوی گوڵاڵە لەدەست دەدات.
هونەرمەند شاروخ بە گوێگرتن لە دەنگی هونەرمەندان #سەید عەلی ئەسغەری کوردستانی# و #کاوێس ئاغا# مەیلی بۆ گۆرانی وتن ڕۆیشتووە و ئاواز و وتنی گۆرانی لە هونەرمەندانی وەکە #محەمەد ساڵح دیلان# و #تاهیر تۆفیق# و #حەسەن جەزراوی# فێر بووە. لە ساڵی 1969 چالاکی ھونەری خۆی دەست پێ کردووە بەرھەمە ھونەرییەکانی ئەو ھونەرمەندە لە 40 ئاڵبۆم پێک ھاتوە. لە ساڵی 1975 لە فستڤاڵی ئاواز و گورانی فولکلوری کوردی لە #کرماشان# بەشداری کرد و بە دەنگە خۆشەکەی ئامادەبووانی سەرسام کرد. عەزیز شاروخ جگە لە گۆرانی فلکلۆری کوردەواری شێعری زۆربەی گۆرانییەکانی خۆی دەنوسێ. بەرھەمی شیعرییەکانی عەزیز شاروخ ئێستا چاپ و بڵاو نەکراوەتەوە، ھەروەھا لە ساڵی 2000دا ئەدەبیانی زاراوەی کوردی کۆ کردووەتەوە کە بە پشتیوانی #نێچیرڤان بارزانی# لە دەزگای ئاراس چاپ و بڵاو کراوەتەوە. عەزیز شاروخ بە دانانی کۆنسێرت لە وڵاتانی ئەوروپی موزیکی ڕەسەنی فلکلۆری کوردی بە گوێ جێھانیان ناساند.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 19,510 mal angesehen
Schreiben Sie Ihren Kommentar zu diesem Artikel!