لە ساڵی 1968 لە گوندی نۆڕک لە بناری سورکێو لە دایک بووم. باوکم (شەهید حەمەئەمین گوڵچین) یەکێک بوو لە پێشمەرگەکانی شۆڕشی ئەیلول و ئامربەتلیۆن بوو لە هێزی خەبات کە شەهید فەتاح ئاغا ئامر هێزیان بوو، لە 16 ئابی 1974 لە چیایی کۆرز لە شەڕێکی قارەمانانەدا شەهید بوو و لە دوای خۆی چوار کوڕ و کچێکی بەجێهێشت. دایکم هەموو ژیانی خۆی کردە قوربانی بۆ ئێمە و لەگەڵماندا مایەوە و ئێستا لەگەڵ برایەکمدا #سلێمانی# دەژی.
خوێندی سەرەتایی و ناوەندی و ئامادەیم لە شاری سلێمانی تەواو کرد و هەر لە تەمەنی لاوێتیمەوە پەیوەندیم کرد شانە نهێنییەکانی پارتییەوە لە سلێمانی. لە ساڵی 1986 تا کۆتایی 1988 پێشمەرگە بووم لە لیژەنەی ناوچەی سلێمانی و پاشان ڕووم کردە تورکیا و لە کۆتایی ساڵی 1990 وە لە سوێد دەژیم و بەیکجاری وازم لە کاری حزبایەتی هێنا.
لە سوێد ڕۆژەهەڵاتناسیم خوێند و ئێستا وەک مامۆستای زمانی کوردی لە شاری ئۆپسالا کاردەکەم و هاوکات هاوکاری ڕۆژنامەی (ڕووداو) دەکەم.
تا ئێستا سێ کتێبم چاپ کردووە. یەکەمیان کە لە سوێدییەوە وەرمگێڕاوە بەناوی (شەڕە لەبیرکراوە)، دووەمیان خۆم نووسیومە بەناوی (ناسیۆنالیزمی کوردی) و سێهەمێشیان کتێبێکە لەسەر کۆمەڵکوژییەکی #دەرسیم# کە لە سوێدییەوە وەرمگێراوە. ئێستا کتێبێکم ئامادەی چاپە بەو هیوایەی بەم زوانە لە کوردستان بڵاو بکرێتەوە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 19,755 mal angesehen