ناوی شەماڵ-یش نازناوی پێشمەرگایەتیی بوو.
ساڵی 1947 لە #سلێمانی# لەدایکبووە، ساڵی 1968 پەیمانگەی مامۆستایانی سلێمانی تەواوکردووە، لەناوچەو دێهاتەکانی قەرەداغ و (رێزانەو بۆلێ) ی سەر بەناوچەی بارزان مامۆستا بووە.
لەدوای سالانی 1966ەوە ئەندامێکی کارامەی یەکێتیی قوتابیانی کوردستان بووەو دواتر یەکێکبووە لەکادیرو نووسەرانی گۆڤاری ڕزگاری- ئۆرگانی پارتی شۆڕشگێڕی کوردستان.
لەساڵی 1974، پەیوەندی بەشۆڕشی کوردستانەوە کردووە، لەکۆتایی ساڵی 1975و سەرەتای ساڵی 1976دا، بەهۆی دەستگیرکردنی هاوڕێکانیەوە، وازی لەمامۆستایەتی هێناو خۆی لەچنگی دڕندەو پیاوکوژانی ڕژێمی بەعس ڕزگارکرد.
لە #10-10-1976#، لەگەڵ شەهیدی نەمر ملازم جوامێر، مەفرەزەی سەرەتاییان لەگوندی (قارەمان)ی قەرەداغ دامەزراند.
لە #03-03-1978# دا، لەدێی میریاس قەرەداغ لەشەڕێکی نابەرانبەردا، شەهیدکراو دوژمن نەیهێشت پرسەی بۆ دابندرێت.
شەهید خاوەنی دیوانێکی شیعرییە بەناوی (کاروان) کە لەساڵی 1985دا لەچاپخانەی شەهید ئیبراهیم عەزۆ چاپکراوە، جگەلەوەش خاوەنی چەندین وتارو چیرۆک و پەخشانە کە لەرۆژنامە کوردییەکاندا، بلاوکراونەتەوە.
هەروەها شەهید جگە لەدیوانی (کاروان) چەندین بەرهەمی تری هەبووە، یەکێک لەوانە (نهێنی کۆشکەکان) کورتەچیرۆک کە لەگۆڤاری دیموکراسی ژمارە 4 لەساڵی 1992دا بلاوکرایەوە.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 8,980 mal angesehen
Schreiben Sie Ihren Kommentar zu diesem Artikel!