لە ساڵی 1965 لە گەڕەکی #سێتاقان#ی شاری #هەولێر# لە خانەوادەیەکی رەنجدەر و کوردپەروەر چاوی بە دونیا هەڵدێنی، لەسەرەتای دەیەی هەشتەمی سەدەی بیست پەیوەندی بە ڕێکخستنەکانی #کۆمەڵەی ڕەنجدەرانی کوردستان# دەکات و ساڵی 1984 خەباتە نهێنیەکەی دەگۆڕێت بۆ خەباتی شاخ و چەکی پێشمەرگایەتی لە #تیپی 91ی سەفین# دەکاتە شان و بەشداری دەیان نەبەردی و ڕوبەڕوبوونەوەی هێرشەکانی دوژمن دەبێتەوە و زۆر ئازاو چاڵاکانە ئەرکەکانی خۆی بەجێدەگەیەنی، هەربۆیەش دەبێتە جێگای سەرنجی لێپرسراوانی پێشمەرگەی ئەوکات و هەڵدەبژێردری بۆ ئەم دەستەیەی کە سەر بە مەڵبەندی هەولێرە، کە کار و چاڵاکیان گورز وەشاندنە لە دوژمن لە ناو جەرگەی شاری هەولێر و شارۆچکەکانی سەر بەم شارە، شەهیدی ناوبراو لەم ئەرکەشی زۆر جوامێرانە و ئازایانە سەرکەوتو دەبێت و لەگەڵ هاوڕی و هەڤاڵانی دەستەکەی (شەهید سەردار سەعید سۆفی و جوتیار و ئەیوب و بەختیار کاوانی و چەند پێشمەرگەیەکی تریش) گورزی زۆر کاریگەر لە بەعسیە دڕندەکان دەوەشێنن و جێگای ئارامیان لەناو پایتەختی هاوینەیان پێ هەراسان دەکەن و هەندێک لەو ڕۆحە شەڕانگێزانە و خیانەتکارەکان بە سزای گەل و شۆڕش دەگەیەنن، بەڵام بەداخەوە لە #05-09-1996# بارگەی لەکۆڵدەنی و بەیەکجاری سەفەری بێگەڕانەوە دەکات بۆلای شەهیدانی هاوڕێ و هاوسەنگەرانی.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 9,685 mal angesehen
Schreiben Sie Ihren Kommentar zu diesem Artikel!