بامجان، باجان، باینجانی ڕەش، گیاێکی یەکساڵە لە تیرەی "باینجانییەکان" Solanées، کە لە بنەڕەتدا هیندوستانی یە، لاسکێکی ئەستوور و و گەڵای پان و گوڵی وەنەوشە ڕەبگی هەیە، بەری ئەم گیایە قەڵەو و درێژە و ڕەنگی سورمەیی تاریک یان ڕەشە، هێندێکجۆری زەرد و چەرموون. بەڵام هەر ڕەشەکەیان بۆ خواردن دەبێ و ئەوانیتر بۆ جوانین. بە کوڵاوی لە چێشتدا یان بە سوورۆکراوی لە گەڵ تەماتەدا ئەیخۆن، یان خۆرشتی جۆراوجۆری لێ دروست ئەکەن. لە باینجان ترشیش دروست ئەکرێ، بەڵام کاتێک کاڵە و هێشتا پێ نەگەیشتووە و ڕەنگی سوورمەیی بە خۆیەوە نەگرتووە، مەوادێکی ژەهراوی تێدایە و نابێ بخورێ، باینجان هێندە لە خواردندا بە کەڵک نییە، بەڵام معدە و ڕیخۆڵە چەور و نەرم ئەکا. ئەڵێن ئەم گیایە لە وڵاتی هیند دا بەرزیەکەی دەگاتە میترێک. ئەم گیایە چەند ساڵانە، بەڵام وەک گیایەکی یەک ساڵە کەڵکی لێ وەردەگیرێ. بە فەرانسەیی Melongine، Aubergine، Melongene و بە ئینگلیزیش Eggplantی پێدەڵێن.
Hinweis: Kurdipedia möchte "alle" kurdischen Wörter und Phrasen aus allen Dialekten sammeln.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,565 mal angesehen