دارچینی، تۆکڵەدارێکە تیژ و بۆن خۆش لە دارێکی سوور دەگیرێ، کە سەر بە تیرەی "قاچەکان" Lauracées و لە ڕیزی "دوولەتکەیی یە پەڕەگوڵ جیاکان" Dicotylédones-Dialypétales کە لە وڵاتی هیندوستان و چیندا دەڕوێ. باڵای دەگاتە 5 میتر، لقەکانی درێژ و باریکن، گەڵاکەی لە گەڵای داربی دەچێ و دایم سەوزە، گوڵەکانیشی چەرموو و هێشوویین، تۆکڵەکەی بۆ دەرمان دەشێ و بۆ سەرماخواردوویی وەک چایی دەێمی دەکە و دەیخۆنەوە و یان لە قۆری دا لەگەڵ چایی دێمی دەکەن. دیارە وەک بەهاراتیش دەکرێتە نێو هێندێک چێشت. بەڵام بۆ ژنی ژگپڕ باش نییە و منداڵەکەی لەبار دەبا. بۆ کردنەوەی ئەم تۆکڵەش لە دارەکەی، بە چەقۆ قاژی سەروخوار و لابەلا لە دارەکە دەدەن و چەند ڕۆژی دەوێ تا لە دارەکە دەبێتەوە و دوایی تۆکڵەکانی کۆدەکەنەوە و وشکی دەکەن، بۆ زۆر نەخۆشی بەکاری دێنن کە یەک لەوانە زگچوونە، بەڵام هەر وەک پێشتریش وتم نابێ ژنی زگپڕ بیخوا.
دوو جۆر دارچینی هەیە کە ناوین "دارچینی سیلان" و "دارچینی سایگۆن"ە، دارچینیش یەکێکە لە کۆنترین بەهاراتەکانی جیهان کە لە کۆنەوە مرۆڤ بۆ دەرمان و بۆ تام و جێژی چێشت بەکاریان هێناوە. بەڵگە کۆنە مێژوویەکان کۆنی دارچینی دەگەڕێننەوە بۆ سێ تا چل سەدە لەمەوبەر.
بە فەرانسەیی Canelle و بە دەرەکەشی Cannelier یان Cannellierی پێدەڵێن. لە ف.م. و ت.خ. و م.گ. کەڵک وەرگیراوە.
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,589 mal angesehen
Schreiben Sie Ihren Kommentar zu diesem Artikel!