عومەر محەمەد قادر[1]
سلێمانی - 2012
دەربارەی کتێبی (پەلامارە سەربازییەکانی ئەنفال لەهەشت قۆناغدا)
ئاگاداری و ڕونکردنەوە
دوای ئەوەی کتێبەکەم (پەلامارە سەربازییەکانی ئەنفال لە هەشت قۆناغدا) لەساڵی 2013 دا چاپ و بڵاوکرایەوە، بە سوپاسەوە چەند نوسەرو ڕۆژنامەنوسێک وەک سەرچاوە بەکاریان هێناوە، بۆ ئەوان و بۆ ئەو بەرێزانەش کە لەداهاتوودا بەکاری دەهێنن، پێویستە ئەو ڕاستییەیان پێ ڕابگەیەنم، کە بەشی هێزە ئاسمانیەکانی سوپای ناوکتێبەکە جگەلە هەندێک وردە زانیاری خۆم ئەوی تری بەتەواوی هی کاک دەرسیم دیبەگەییەو من گواستوومەتەوە ناوکتێبەکەم، هەرچەندە بەرلەچاپ کردنی پرسی پێکراوەو لەسەری ڕێککەوتبووین، بەڵام بەداخەوە ئەو پێشەکی یەی بۆم نوسیبوو، هەتا وەک سەرەتای بەشەکە دایبنێم، دانەنرا چونکە کاتێک ناردم بۆ دیزاینەری کتێبەکە بۆئەوەی بیخاتە سەرەتای ئەو بەشەو پێش نوسینەکەی کاک دەرسیم دیبەگەیی، ئەو ئاگاداری کردم کە کتێبەکە دیزاینی تەواو بووەو ئێستا لە چاپخانەیە، هەرچەندە هەوڵماندا چاپەکەی ڕابگرن و ئەو هەڵەیە چارەسەر بکەین، بەڵام لەچاپخانە گوتیان کارلەکارترازاوەو تەنها چارەسەر ڕاکێشانەوەیەتی، ئەوە بۆمن زۆر ناخۆش بوو، تەلەفۆنم بۆ کاک دەرسیم کرد، کە هەڵەیەکی وا ڕویداوە جافرمانت بەچییە، کتێبەکە لەچاپخانە ڕابگرم یان لێم دەبووری و لەچاپی دووەمدا قەرەبووت دەکەمەوە ؟ بەسوپاسەوە ئەو گوتی ئاساییە وبابڵاو ببێتەوە، بەڵام بەداخەوە ئەویش ئاسایی وەری نەگرت و هەروای لەسەرم حسابکرد کە ئەو بەشەم دزیووە! ماڵی ئاوابێت ئەویش هەتا ئێستا هیچی لەسەر نەنوسیوەو لەکەسیشم نەبیستووەتەوە وەک دزی باسی کردبێت، بەڵام من هەر نیگەرانم و هەست بەشەرم دەکەم، بۆیە لەتۆڕی کۆمەڵایەتی فەیسبوک ئەم هەڵەیەی خۆمم بڵاوکردووەتەوەو سەرزەنشتی خۆمم کردووەو داوای لبوردنم لە کاک دەرسیم و خوێنەرانیش کردووە، لەهەر کوێیەک ئەو کتێبەم بەرچاوبکەوێت یان پێشکەشی دۆست وهاوڕێیانی بکەم بەدەست وخەتی خۆم لەسەری دەنوسم ئەم بەشە بەتەواوی لە دەرسیم دیبەگەیی وەرگیراوە، چەندین جار لە پۆستئ هاوڕییانی فەیسبوکدا لەسەر دزینی بابەت و بەکار نەهێنانی سەرچاوەی نوسین کۆمێنتم نوسیوەو ئەم هەڵەیەی خۆمم کردووەتە نمونە، بەڵام لەبەرئەوەی چاپی دووەمی کتێبەکە دواکەوت بۆیە جارێکی تر ئەم ڕونکردنەوەیەم بەپێویست زانی و هەر بەرێزیک ئەو کتیبەی خوێندەوە یان ئەو بەشە (لەلاپەرەکانی 1999-210) یان وەک سەرچاوە بەکارهێنا مافی کاک دەرسیمە نەک هی من بەهیوام هەموو لایەک ئەم داوایەم لەبەرچاوبگرن.
ئەو پێشەکیەی نوسیبووم بۆ پیش بابەتەکەی دیبەگەیی
ناوی پاریزگارەکان و ئەندامانی سەرکردایەتی شۆرش و بەشیکی زۆری زانیاریەکان لەسەر هیزی ئاسمانی سوپا بەتەواوی لە دەستنوسی پەرتوکی ئینسکلۆپیدیای شالاوەکانی ئەنفال و تۆمەتبارانی تاوانی ئەنفال – دەرسیم دیبەگەیی وەرگیراوە.
بەڵام بەداخەوە خۆم و بەختم چاپ نەبوو کاتیک دیزاینەری کتێبەکەم کاک ئازادی حاجی ئاگادار کردەوە لەسەر ئەمەو وینەکانی کاک (صدقی عەبدولقادر) دەربازبووی گۆرێ بەکۆمەڵ، لە کتیبەکەی تردا بەناوی (هاشم) چونکە ئەوسا وێنەی صدقیم لەلابوو، ئەمە وەڵامەکەی کاک ئازاد بوو (وەڵا شالاوەکان چاپی تەواو بووەو ئەوەی تریش خراوەتە سەرپلیت و فریای چاککردنی ناکەوی).
عومەر محمەد قادر[2]
Lesen Sie das Buch: پەلامارە سەربازییەکانی ئەنفال لە هەشت قۆناغدا
Gesamt Download
1,056 Wir bitten alle Autoren, Übersetzer und Verleger sich mit uns in Verbindung zu setzen, falls Ihre Bücher nicht in Ihrem Einvernehmen heruntergeladen wurden.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 9,471 mal angesehen
Schreiben Sie Ihren Kommentar zu diesem Artikel!