بە پێی ئامارێکی بەڕێوەبەرایەتی ڤێتێرنەری #گەرمیان#، لە ڕۆژانی کۆتایی مانگی پیرۆزی ڕەمەزاندا و بەهۆی نزیکبوونەوەی جەژنەوە، لە کوشتارگاکاندا دوو هەزار و (258) سەر ئاژەڵی بچووک و (136) سەر ڕەشەوڵاخ، سەربڕاون، کە پشکی زۆری بەر شاری #کەلار# دەکەوێت.
بە پێی ئامارێکی هۆبەی پلاندانان لە بەڕێوەبەرایەتی ڤێتێرنەری گەرمیان، لە ماوەی ڕۆژانی کۆتایی مانگی ڕەمەزاندا و بەهۆی نزیکبوونەوەی جەژنی ڕەمەزانەوە، لە کوشتارگاکانی سنووری گەرمیان، لە (1ی ئاب)ەوە تا ئەمڕۆ چوارشەممە (7ی ئاب) یەک هەزار و (43) سەر ئاژەڵی سپی و یەک هەزار و (215) ئاژەڵی ڕەش و (136) ڕەشە وڵاخ، سەربڕاون.
د. ئارام ئەحمەد، لێپرسراوی هۆبەی پلاندانان، بۆ خەندان ڕایگەیاند : له و ڕۆژانەدا، تەنها لە شاری کەلار (795) سەر ئاژەڵی سپی و (733) سەر ئاژەڵی ڕەش و (83) سەر ڕەشەوڵاخ، سەربڕاون.
هەر بە پێی ئامارەکە، لە مانگی تەمووزی ڕابردوودا، لە کوشتارگاکانی گەرمیان، یەک هەزار و (706) سەر ئاژەڵی سپی و یەک هەزار و (670) سەر ئاژەڵی ڕەش و (262) سەر ڕەشە وڵاخ، سەر بڕاون.
#07-08-2013#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,922 mal angesehen