بە داخ و پەژارەیەکی زۆرەوە هەواڵی کوشتنی ڕۆژنامەنوس و چالاکی مەدەنی کاوە گەرمیانی هەموومانی هەژاندەوە، کە شەوی 5-12-2013 لە کردەوەیەکی قێزەوندا درایە بەر دەستڕێژی گوللە.
گەرمیانی ئەنفال ڕوبەڕوی هەمان کۆستی سۆرانی کەرکووک و سەردەشتی هەولێر بویەوه و لە شەوێکی تۆفاناویدا ئەمجارەیان جەستەی کاوە پڕ بوو لە فیشەک و خوێن و نیشتمانیش بوو بە دەریایەک لافاوو گریان..
نەفرەت لە بکوژان و ئه و دەستە ڕەشانەی گەندەڵی کە نەیانتوانی مەردانە ڕوبەڕوی کاوە گەرمیانی ببنەوه و شەرەفمەندانە دان بە گەندەڵییە دزێوەکانی خۆیاندا بنێن و بۆ بێدەنگکردنی حەق فیشەکیان کردە خەڵاتی نەوەی نوێ..
زۆر بەداخەوە سیستمی میلیشیایی پارتە دەسەڵاتدارەکانی کوردستان بۆتە لانکەی جۆرە مشەخۆر و سەرکردەیەک کە باکیان نیە بە تاڵانکردنی وڵات و هیچ جۆرە ڕەخنه و فیکرێکی ئازادیان قبوڵ نیە. دیارە ئەگەر سیستمێکی حوکمڕانی و سیاسی تەندروست لەهەرێمی کوردستاندا هەبوایە دەمێک بوو دادگا ئاڕاستەی ڕاستەقینەی خۆی وەردەگرت و کاتێک کاوە ڕوبەڕوی هەڕەشەی کوشتن دەبۆوە لانیکەم بەدواداچونێکی جدی بۆ ئەم پرسە دەکراو لایەنی هەڕەشەکار سزای ڕاستەقینەی خۆی وەردەگرت..
وەک فیدراسیۆنی ڕێکخراوەکانی کۆمەڵگەی مەدەنی ئەم تاوانە بە مەترسی و شەرمەزارییەکی گەورە دەزانین چونکە ئەمجارەیان ڕوخساری بکەرەکان زۆر نامۆ نیه و بەدەنگ و ڕەنگی ئاشکراو لە ڕۆژی ڕوناکدا هەڕەشەی کوشتنی لە کاوە گەرمیانی کردووە، ئەمجارەیان کاوە دەبێتە سومبولی بەدیهێنانی دادوەری و ئەگەر ئه و دەستەی لە پشت کوشتنی کاوەوەیە سزا نەدرێت و ڕیسوا نەکرێت ئەوا سیستمی میلیشیا ئاسای حیزبەکانی کوردستان سەدان هێندەی تر ڕیسوا دەبێت و وەک دەسەڵاتێکی ستەمکاری گەنج کوژو دژە ئازادی دەناسرێت..
نەمری بۆ ڕۆحی کاوه و سەردەشت و سۆران و سەرجەم ئازادیخوازان..
سەرشۆڕی بۆ میلیشاو مرۆڤ کوژەکان..
فیدراسیۆنی ڕێکخراوەکانی کۆمەڵگەی مەدەنی /سلێمانی
6-12-2013
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 10,763 mal angesehen
Schreiben Sie Ihren Kommentar zu diesem Artikel!