بەهۆی نزیکبونەوەی چەکدارانی داعش لەناوچەکەیان و بەردەوامی پێکدادانەکانیان لەگەڵ هێزەکانی سوپا، زیاتر لە 300 خێزانی کورد و عەرەب شارۆچکەی سەعدیە بەره و ناوچە ئارامەکان جێدەهێڵن.
ئاودێر محەمەد، ئاوێنەنیوز: بەڕێوەبەری ناحیەی سەعدیە، ئەحمەد زڕگوشی ئەمڕۆ هەینی، بەئاوێنەنیوزی ڕاگەیاند، بەهۆکاری خراپی دۆخی ئەمنی چەند ڕۆژێکە دەوامی فەرمانگەکان ڕاگیراوە و زیاتر لە 300 خێزان کورد و عەرەب ناحیەکەیان جێهێشتوە.
پێشتر سەرچاوەیەک ئەمنی بەرپرس لەناحیەی سەعدیە ڕایگەیاند، شەوی پێنجشەممە لەکاتژمێر 2ی شه و بۆ 6ی بەیانی پێکدادان لەنێوان یەکەکانی سوپای عێراق و چەکدارانی ڕێکحراوی دەوڵەتی ئیسلامی لەعێراق و شام (داعش) ڕویداوە.
لای خۆیەوە سەرۆکی ئەنجومەنی شارەوانی خانەقین، سەمیر محەمەد، بەئاوێنەنیوزی ڕاگەیاند، لێشاوی کۆچی خەڵکی ناوچەکانی دیالە بەتایبەت ئه و جێگانەی دۆخی ئەمنیان دژوارە گرفتی جۆربەجۆری بۆ دروستکردون بەتایبەتیش گرفتی نیشتەجێبون.
- 21-02-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 7,164 mal angesehen