بەپێی ئامارێکی بەرێوبەرایەتی هاتوچۆی گەرمیان لەماوەی شەش مانگی ڕابردودا 194 کەس بونەتە قوربانی ڕوداوەکانی هاتوچۆ و لەئێستاشدا زۆرترن ڕوداو لەکاتی بەربانگدا ڕودەدات.
ئاراز محەمەد، گەرمیان: ملازم کارزان مەجید، بەرپرسی ڕاگەیاندن و پەیوەندییەکانی هاتوچۆی گەرمیان ئەمڕۆ چوارشەممە، بۆ ئاوێنەنیوز ڕایگەیاند، بەپێی ئامارەکانیان لەماوەی شەش مانگی ڕابردودا 185 ڕوداوی هاتوچۆ ڕویانداوە کە 71یان لەناوشار و 114شیان لەدەرەوەی شار بوە.
وتیشی، لەئاکامی ئه و ڕوداوانەدا 25 کەس گیانیان لەدەستداوە کە 16 یان پیاوه و شەشیان ئافرەت و سیانیشیان منداڵە.
ملازم کارزان ئەوەشی خستەڕو، 169 کەسیش بەهۆی ئه و ڕوداوانەوە برینداربون.
ئه و بەرپرسەی هاتوچۆ ئه و کاتەشی ئاشکراکرد کە لەم ماوەیەدا زۆرترین ڕوداوی تیا ڕودەدات و باسی لەوەکرد، لەئێستادا بەهۆی مانگی ڕەمەزانەوە ڕوداوی هاتوچۆ لەکاتی بەربانگ و نزیک بانگی ئێوارەدا زیاتر ڕودەدەن "بەهۆی ئەوەی خەڵک پەلەیەتی بگاتە ماڵەوە".
- 09-07-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,204 mal angesehen