کامەران عەبدە ساڵح
وێنەیەکی کۆن و دەگمەنی شاعیری ناودار و کۆچکردووی کورد هێمن موکریانی لە مەهاباد دەدۆزرێتەوه و بەپێی بەدواداچوونەکانیش ئه و وێنەیە لای هێمن خۆیشی نەبووە.
شاعیرو نوسەری ناسراوی شاری مەهاباد موحیبی مەهابادی، لە پەیوەندییەکدا وێڕای ناردنی وێنەکە بۆ خەندان، ڕوونیکردەوە، ئه و وێنەیە لە ئەرشیفی وێنەگرێکی دێرینی شاری مەهاباددا لەنێو سەدان وێنەی تردا دۆزراوەتەوەو، تەنانەت لای هێمن خۆیشی نەبووە.
وتیشی: "پاش بەدواداچوونێکی زۆر، ئەوە ساغ بوەتەوە کە وێنەکە ساڵی 1959 لە قوتابخانەی (سەعادەت) گیراوە، کە لە کۆڵانی (شافیعی) لەنێوان هەردوو شەقامی (جامی جەم) و (موخابەرات) لە شاری مەهاباد بووەو، ساڵانێکی زۆرە ئه و قوتابخانەیە ڕووخێنراوه و کراوەتە خانوو".
ئاماژەی بەوەشدا، لە وێنەکەدا، هێمن بە مەندیلێکی سپییەوە لەتەنیشت خوێندکارەکانەوە وەستاوە.
- 29-07-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 9,622 mal angesehen