راماڵ قەسرەیی
وتەبێژی یەکینەکانی پاراستنی گەل (یەپەگە) ڕایدەگەیەنێت، پێش گرتنی شنگال لەلایەن چەکدارانی داعش، زیاتر لە (500) گەنجی ئێزدی پەیوەندیان پێوەکردوون و مەشق و ڕاهێنانیان پێکراوە و ئێستا لەناوچەکانی شنگال و دەوروبەری دژی داعش دەجەنگن، دەشڵێت: لە کوردستانی باشوور (10) شەهیدمان داوە.
پۆلات جان، وتەبێژی یەکینەکانی پاراستنی گەل (یەپەگە) لە لێدوانێکی تایبەت بەخەندانی ڕاگەیاند، "دوابەدوای ڕووداوەکانی شنگال، (یەپەگە) بەمەبەستی ئازادکردنی دانیشتوانەکەی و ڕوبەڕوبوونەوەی چەکدارانی (داعش) ڕۆڵی بەرچاومان گێڕا".
وتیشی: هەردوای ڕووداوەکان کۆمەڵێک گەنجی شنگال لەوانەی توانای چەک هەڵگرتنیان هەیە، هێزێکیان درووستکرد بەناوی (یەکینەکانی پاراستنی شنگال) کە ڕۆژ لەدوای ڕۆژ ژمارەیان لەزیادبووندایە، ئێستاش ژمارەیان زیاتر لە (100) کەس دەبێت و لە لەلایان ئێمەوە ڕێنوێنی و هاوکاری دەکرێن.
پۆلات جان، ئەوەشی خستەڕوو، "دوای ئارام بوونەوەی ڕەوشی ناوچەی شنگال ئه و گەنجانە ئازادن ئاخۆ لەناو یەپەگە دەمێننەوە یان سەرقاڵی کاروباریخۆیان دەبن".
وتیشی: چەند مانگێک لەمه و بەر نزیکەی 500 گەنجی شنگال هاتنە ناو ڕیزەکانی یەپەگە مەشق و ڕاهێنانییان پێکراوە و ئێستا لەناو ڕیزەکانی یەپەگە وەک شەڕڤان لەناوچەی شنگال و ڕەبیعە لەبەرەکانی شەردان دژی چەکدارانی داعش.
پۆلات جان ئاشکرایکرد، "له و ماوەیەدا لەسنوری شنگال و دەوروبەری (10) شەڕڤان لە ڕوبەروبونەوەکانی دژی چەکدارانی داعش شەهید بوون"، وتیشی: یەپەگە توانیویەتی لەرێی ڕۆژئاواوە زیاتر لە (150) هەزار کەس لە چیا شنگال بەره و زاخۆ و دهۆک دەرباز بکات، جگە لەمەش هەر بەهەوڵی (یەپەگە) زیاتر لە (25) هەزار ئاوارەی شنگال لە ئێستادا لەکوردستانی ڕۆژئاوا لەکەمپی نەورۆز جێگیر بوون.
- 12-08-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 7,375 mal angesehen
Schreiben Sie Ihren Kommentar zu diesem Artikel!