محەمەد کەرکووکی
بە هۆی ئه و سێ تەقینەوە خۆکوژییەی ئێوارەی ڕابردووی شاری کەرکووک 108 کەس شەهید و بریندار بوون، کە زۆربەی قوربانییەکان لە هێزەکانی پێشمەرگەن.
سەرچاوەیەکی ئاگادار بە خەندانی ڕاگەیاند: دوای ئەوەی ئێوارەی ڕابردوو لە ڕێگەی بەغداو لە گەڕەکی ڕەحیماوای شاری کەرکووک سێ تەقینەوە کەلە ڕێگەی ئۆتۆمبێلی بۆمبرێژکراوەوە کە سێ تیرۆریستی خۆکوژ لیان دەخوڕی ئەنجامدرا، بە هۆیانەوە 23 کەس شەهید بوون و 85 کەسیش بریندار بوون.
سەبارەت بە تەقینەوەکان ئه و سەرچاوەیە بۆ خەندان ڕوونیکردەوە: تەقینەوەی یەکەم لە ناوچەی ڕێگەی بە غدای شاری کەرکووک و نزیک باڵەخانەی (جەدوع) کە لە ڕێگەی ئۆتۆمبێلێکی بارهەڵگرەوە تیرۆریستێکی خۆکوژ لێی دەخوڕی و هێزەکانی پێشمەرگەی کردبووە ئامانج ئەنجامدرا و بە هۆیەوە 10 شەهید و 19 برینداری لێکەوتەوە کە زۆربەیان لە هێزەکانی پێشمەرگەن.
وتیشی: "تەقینەوەی دووەمیش لە هەمان ناوچه و ئەویش لە ڕێگەی ئۆتۆمبێلێکی جۆری کیای بارهەڵگرەوە کە خۆکوژێ لێیدەخوڕی و هێزەکانی پێشمەرگەی کردبووە ئامانج ئەنجامدرا کە بە هۆیەوە شەش شەهیدو 38 برینداری لێکەوتەوە کە زۆربەی قوربانییەکان لە هێزەکانی پێشمەرگەن.
سەرچاوەکە ڕاشیگەیاند: تەقینەوەی سێیەمیش لە گەڕەکی ڕەحیماوای شاری کەرکووک کە گەڕەکێکی کورد نشینه و ئەویش لە ڕێگەی ئۆتۆمبێلێکی جۆری گلایزەرەوە کە خۆکوژێ لێی دەخوڕی ئەنجامدرا بە هۆیەوە حەوت شەهید و 28 برینداری لێکەوتەوە، ئەمە جگە لەوەی زیانێکی زۆری مادی بە ناوچەکە گەیشتووە.
- 24-08-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,193 mal angesehen
Schreiben Sie Ihren Kommentar zu diesem Artikel!