جەمال سەرگەتی
بەڕێوەبەری ڕاگەیاندنی وەزارەتی ئەوقاف و کاروباری ئاینی حکومەتی هەرێمی کوردستان ڕایدەگەیەنێت ئەمڕۆ 360 حاجی لە فڕۆکەخانەی سلێمانییەوە بەڕێدەکرێن بۆ بەجێ هێنانی فەریزەی حەج و بڕیارە سبەینێش لە فڕۆکەخانەی شاری هەولێرەوە 360 حاجی تریش بەڕێ بکرێن بۆ بەجێهێنانی فەریزەی حەج، وتیشی: "تا ئەم هەفتەیە دەبێت سەرجەم حاجیانی هەرێمی کوردستان بەرێی بکرێن".
مەریوان نەقشبەندی، بەڕێوەبەری ڕاگەیاندنی وەزارەتی ئەوقافی حکومەتی هەرێمی کوردستان بە خەندانی ڕاگەیاند: پاش ئەوەی حکومەتی عیراق چەندین جار گۆرانکاری کرد لە کاتی ڕۆشتنی حاجیانی هەرێمی کوردستان و دوێنی لەلایەن حکومەتی عیراقەوە ئاگاداری ئەوە کرایەوە ئەمڕۆ حاجیانی هەرێم بەڕێ بکرێن.
وتیشی: "ئەمرۆ 360 حاجی لە فڕۆکەخانەی سلێمانییەوە بەڕێ دەکرێن بۆ بەجێهێنانی فەریزەی حەج و بڕیاریشە سبەینێ لە فڕۆکەخانەی شاری هەولێرەوە 360 حاجی تریش بەڕێ بکرێن بۆ بەجێهێنانی فەریزەی حەج تا ئەم هەفتەیەش دەبێت سەرجەم حاجیانی هەرێمی کوردستان بەرێ بکرێن کە ژمارەیان سێ هەزار و 654 حاجیە".
مەریوان نەقشبەندی ڕاشیگەیاند: تا ئێستا هیچ گرفتێکی ئیداری نییە و سەرجەم ئامادەکارییەکان کراوە بۆ بەجێهێنانی فەریزەی حەج.
داواشی لە حاجیانی هەرێمی کوردستان کرد کە تەلەفۆنەکانیان دانەخەن بۆ ئەوەی ئاگادار بکرێنەوە تا بتوانن فەریزەی حەج بەجێ بهێنن.
- 08-09-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,732 mal angesehen
Schreiben Sie Ihren Kommentar zu diesem Artikel!