جەمال سەرگەتی
بەرێوەبەری کشتوکاڵی هەڵەبجە ڕایدەگەیەنێت لەچاو ساڵی ڕابردوو بەرهەمی هەناری هەڵەبجە کەمتربوو،ئەوەشبەهۆی ئه و شەپۆلە سەرماییەی کە لە سەرەتای وەرزی بەهاری ڕابردوو ڕووی لە هەرێمی کوردستان کردووە، ئەگەر حکومەتیش ڕێگری بکات لە هەناری هاوردە، ئەوا هەناری هەڵەبجە بەشی هەرێمی کوردستان دەکات.
ستار مەحمود، بەرێوەبەری کشتوکاڵی هەڵەبجە بەخەندانی ڕاگەیاند،بە بەراورد بەساڵی ڕابردوو، ئەمساڵ بەرهەمی هەنار تا ڕادەیەک کەمتربوو، ئەویش بەهۆی ئەوەی ئه و سەرما و سۆڵەیەی کە لە سەرەتای وەرزی بەهاری ڕابردوو وای کرد کە بەرهەمی هەنار کەمبێت.
بەرێوەبەری کشتوکاڵی هەڵەبجە وتیشی: بەرووبەری حەوت هەزار و 500 سەد دۆنم باخی هەنار لە پارێزگای هەڵەبجە هەیە، هەربۆیە ئه و هەنارەی هەڵەبجە مەزەندە دەکرێت بە 20 هەزار تەن.
ستار مەحمود وتیشی: ئەگەر حکومەت ڕێگری لە هەناری هاوردە بکات، ئەوا هەناری هەڵەبجە بەشی هەرێمی کوردستان دەکات.
ئاماژەی بۆ ئەوەشکرد،بەپێی ئه و کەسانەی کە شارەزاییان هەیە لە هەنار و به و بەراوردەی کە کراوە لەگەڵ هەناری ناوچەکانی تری کوردستان، دەرکەوتووە هەناری هەڵەبجە لە باشترین جۆرەکانی هەنارە و بەوە دەناسرێتەوە کە توێکڵیکی تەنکی هەیە و دەنکەکانی ئاودارە ڕەنگێکی سوری جوانی هەیە.
- 03-11-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 9,205 mal angesehen
Schreiben Sie Ihren Kommentar zu diesem Artikel!