وەزیری سامانە سرووشتیەکانی حکومەتی هەرێمی کوردستان ڕایدەگەیەنێت، هەناردەی نەوتی خاو لە ڕێگەی بەندەری جەیهانی تورکیاوە بۆ 300 هەزار بەرمیل نەوت بەرز دەکەنەوه و لەم هەفتەیەدا ئه و بڕە زیاد دەکەن.
سایتی کوردستان تیڤی بڵاویکردەوە، لە میانی بەشداریکردنی لە پانێڵێکی کۆڕبەندی مێری کە لە شاری هەولێری پایتەختی هەرێمی کوردستان ڕێکخراوە، ئاشتی هەورامی وەزیری سامانە سروشتییەکانی هەرێمی کوردستان ڕایگەیاند: ئێستا نزیکەی 300 هەزار بەرمیل نەوت ڕۆژانە هەناردەی بەندەری جەیهانی تورکیا دەکەن، ئەم هەفتەیەش هەناردەکردنەکە دەگاتە ئه و ژمارەیە.
ئاشتی هەورامی ڕاشیگەیاند: سێ بیرە نەوتی دیکە لە چەند مانگی داهاتوودا دەست بە بەرهەمهێنان دەکەن و چاوەڕوانیش دەکرێت هەناردەکردنی نەوتی هەرێم لە مانگی کانوونی دووەم و شوباتی ساڵی داهاتوو بۆ 500 هەزار بەرمیل لە ڕۆژێکدا بەرزببێتەوە.
بەهۆی هەناردەکردنی نەوتی هەرێمەوە بەشێوەی سەربەخۆو لە ڕێگەی بەندەری جەیهانی تورکیاوە، بەغدا بودجه و مووچەی فەرمانبەرانی هەرێمی کوردستانی ڕاگرتووە، ئەمەش بووەتە هۆی سەرهەڵدانی قەیرانی دارایی لە هەرێم و هاوڵاتیان و فەرمانبەران بە چەند مانگێک مووچەیەک وەردەگرن.
- 08-11-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 9,732 mal angesehen