خەندان- سامان
بۆ یەکەم جار دوای شۆڕشی ئیسلامی ئێران و دوای 36 ساڵ بەرهەمێکی هونەرمەندی ناوداری کورد ناسر ڕەزازی لەلایەن وەزارەتی فەرهەنگ و ئیرشادی کۆماری ئیسلامی ئێرانەوە مۆڵەتی پێدراوە و بڕیارە ڕۆژی پێنجشەممە 15-01-2015 بخرێتە بازاڕەوە.
ئەم ئەلبومە نوێیە لەژێرناوی (چیاوان)دا بڵاودەبێتەوە و زەکەریا یوسفی کە ئەم ئەلبومەی لەگە‌ڵ ناسر ڕەزازی بەرهەمهێناوە لە لێدوانێکی تایبەتدا بۆ خەندان وتی: "ئەلبومی چیاوان یەکەم بەرهەمی ناسر ڕەزازییە کە لە ئێران مۆڵەتی پێدراوە".
وتیشی: "ئەم بەرهەمە بە هەوڵ و کۆششێکی زۆر هاتووەتە دی".
لەبارەی ئەلبومەکەشەوە ئەوەی ڕوونکردەوە: "ئەلبومی چیاوان لە 12 بەرهەم پێکەهاتووە کە 10 گۆرانی و 2 مەقام لەخۆدەگرێت".
بڕیارە ئەم ئەلبومە نوێیە ڕۆژی پێنجشەممە 15-01-2015 لە هۆڵی ماڵی موسیقای ئێران لە خیابانی فاتمی تاران بە ئامادەبوونی ژمارەیەکی زۆر لە هونەرمەندان و کەسایەتییە ناودارەکانی کوردستان و ئێران بخرێتەڕوو و لەهەمانکاتدا لە هەموو ئێرانیش بڵاوببێتەوە".
- 11-01-2015
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 17,717 mal angesehen