ساڵی ڕابردو پاککردنەوەی کێلگە مینرێژکراوەکان بەبەراورد بە 2013 بەڕێژەی 45% کەمیکردوە وەک ئەوەی بەڕێوەبەری کاروباری مین ڕایدەگەیەنێت، دەشڵێت، لەهەمان کاتدا قوربانیانی ڕوداوەکانی مین کەمیکردوە.
زریان محەمەد، ئاوێنەنیوز: بەڕێوەبەری گشتی کاروباری مین لەسلێمانی، سەباح حەمەخان ئەمڕۆ چوارشەممە، لەکۆنگرەیەکی ڕۆژنامەوانیدا ڕایگەیاند، تیمەکانی ڕوپێوی تەکنیکی ئامادەکاری لە 358 ناوچەی پیسبو بەڕوبەری 47 ملیۆن مەتر دووجا کاریانکردوه و 20 ملیۆن مەتر دوجا لەڕوبەری مەترسیدار ئازادکردوه و دەتوانێت سودی لێوەربگیرێت و بەبەراورد بە 2013 بەرهەمەکە بەڕێژەی 43% زیادیکردوە.
وتیشی، ساڵی 2014 ئه و کێڵگانەی پاککراونەتەوە 19 دانەیە بەڕوبەری 400،000 مەتر دوجا، بەڵام لەساڵی 2013 ئه و کێڵگانەی پاککراونەتەوە 23 دانەیە بەڕوبەری 722.000 مەتر دوجا بەرهەمەکە بەڕێژەی 45% کەمی کردوە هۆکارەکەشی قەیرانی دارایی و دواکەوتنی گرێبەستی ئۆتۆمبێلەکانی تیمەکان.
سەبارەت بەژمارەی قوربانیان بەڕێوەبەری کاروباری مین وتی، لەساڵی 2014 قوربانیانی مین و تەقەمەنی بریتیبوە لە 11 قوربانی کە 9 دانەیان هاوڵاتین و دوانیان کارمەندی بواری پاکسازی مین بون، بەڵام ساڵی 2013 قوربانیان 30 کەس بوە.
لەسنوری پارێزگای سلێمانی و گەرمیان بەگشتی تائێستا 9221 قوربانی مین هەیە له و ڕێژەیە 4050 کەسیان گیانی لەدەستداوە و 5171یشیان بریندارە.
دەربارەی بەناوچە مەترسیدارەکانی کوردستانیش سەباح حەمەخان وتی، پێنجوێن 52 ملیۆن مەتر دوجا زەوی ماوە پابکرێتەوە بەڕێژەی 14%، شارباژێڕ 42 ملیۆن مەتر دوجای ماوە بە ڕێژەی 25%، پشدەر 23 مەتر دوجا بەڕێژەی 28%، هەڵەبجە 14 ملیۆن مەتر دوجا بەرێژەی 49% ماوە پاکبکرێتەوە.
ئاماژەی بەوەشدا بەشداریانکردوە لەبەرەکانی جەنگدا بۆ هاوکاریکردنی هێزەکانی پێشمەرگە لەکاتی هەبونی هەر مینێکی چێندراودا و کاریانکردوە بۆ لابردنی و ئامادەشن بەردەوامبن لەگەڵ هێزی پێشمەرگەدا.
- 28-01-2015
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,870 mal angesehen
Schreiben Sie Ihren Kommentar zu diesem Artikel!