حکومەتی هەرێمی کوردستان ڕایگەیاند، ژمارەی ئەو ژن و کچە ئێزدییانەی لەژێر چنگی داعشدا ماون، نزیکەی 3000 ژن و کچ دەبن و تائێساش 900 ژن و کچی ئێزدی ڕزگارکراون، وێڕای هەوڵە بەردەوامەکان بۆ ڕزگارکردنییان، ئاماژەی بە نادیاریی چارەنوسی ئەو ئێزیادنەکرد کە لەلایەن ئەو ڕێکخراوە تیرۆریستەوە، ڕفێنراون.
د. دیندار زێباری سەرۆکی لیژنەی وەڵامدانەوەی ڕاپۆرتە جیهانییەکان لە ئەنجومەنی وەزیرانی هەرێمی کوردستان ڕایگەیاند: "ژمارەی ئەو ژن و کچە ئێزدییانەی لەلایەن چەکدارانی ڕێکخراوی تیرۆریستی داعشەوە ڕفێنراون، دەگەنە نزیکەی 3000 ژن و کچ، بەڵام وێڕای ئەو هەوڵانەی بۆ ڕزگارکردنیان خراونەتەگەڕ، تائێستا چارەنووسیان نادیارە".
وتیشی: "بەپێی زانیارییەکانی تایبەت بە کاروباری ئێزدییەکانی شەنگال، ژمارەی ئەو ژن و کچە ئێزدیانەی تائێستا لە چنگی ڕێکخراوی تیرۆریستی داعش ڕزگارکراون، 900 ژن و کچن".
رێکخراوی تیرۆریستی داعش دوای ئەوەی لە مانگی ئابی ساڵی ڕابردوودا، دەستیان بەسەر قەزای شەنگالدا گرت، سەدان ژن و کچی ئێزدییان ڕفاند و بەپێی زانیارییەکانیش، ئەو ژن و کچە ئێزدییانە لەلایەن ڕێکخراوەکەوە، بەسەر چەکدارە تیرۆریستەکاندا لە عیراق و سوریا وەک سەبایا، دابەشکراون.
- 20-03-2015
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,000 mal angesehen
Schreiben Sie Ihren Kommentar zu diesem Artikel!