لەگەڵ بەردەوامی قەیرانی دارایی لەهەرێمی کوردستان، ڕێژەی بێکاری زۆر زیادیکردوە، بەوتەی وەبەرهێنەران لەئێستادا ئه و ڕێژەیە گەیشتوەتە 100 هەزار کەس.
زریان محەمەد، ئاوێنەنیوز: وتەبێژی یەکێتی وەبەرهێنەران مەلا یاسین لەلێدوانێکی تایبەتدا بۆ ئاوێنەنیوز وتی "قەیرانی دارایی هەرێمی کوردستان کاریگەرییەکانی گەیشتوەتە ئاستێکی بنبەست، ئێمە وەک کەرتی تایبەت زۆر بێ هیوابوین لەوەی کە بتوانین جارێکیتر گەشه و بره و بەپرۆژەکانمان بدەینەوە وەک جاران، بەڵام خواستمان ئەوەیە کە ڕێکخراوەکانی کەرتی تایبەت یەکبگرین و بەرنامەیەکی تایبەتمان هەبێت بۆ حکومەت تا لەوە زیاتر نەهێڵین ئەم قەیرانە بێتە ناو دەمارو شادەماری ژیانی هەمومانەوە".
وتیشی "لەئێستادا هەرێمی کوردستان هەشت ملیار دۆلار پاشەکشەی کردوه و 100 هەزار کەس لەکەرتی تایبەت بێکاربون و دو هەزار پرۆژەی بەڵێندەرایەتییش وەستاوه و بازاڕیش بەتەواوەتی شکستی خواردوە".
وتەبێژی یەکێتی وەبەرهێنەران ئاماژە بەوەشدەکات کە بەردەوام هەوڵدەدەن بۆ دۆزینەوەی ڕێگایەک بۆ نەهێشتنی ئه و قەیرانه و پتەوکردنی پەیوەندییە ئابورییەکان لەگەڵ وڵاتانی دراوسێدا.
- 28-04-2015
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,422 mal angesehen
Schreiben Sie Ihren Kommentar zu diesem Artikel!