چەکدارانی ڕێکخراوی تیرۆریستی داعش لە ماوەی 24 کاتژمێری ڕابردوودا زیاتر لە سەد ماڵی کوردانی کاکەیی-یان لە ناحیەی نەمرود تەقاندۆتەوە، هەروەها پێشتریش تەواوی ماڵەکانیان تاڵانکردبوو.
غەیاس سورچی، بەرپرسی ڕاگەیاندنی مەڵبەندی یەکێتیی نیشتمانیی کوردستان لە موسڵ بە خەندانی ڕاگەیاند: "دوای داگیرکردنی ناوچە دابڕێندراوەکانی سەر بە پارێزگای نەینەوا لەلایەن چەکدارانی ڕێکخراوی تیرۆریستی داعش، حەوت گوندی برایانی کاکەیی کە کوردی ڕەسەنن کەوتوونەتە ژێرکونترۆڵی ئەو ڕێکخراوە تیرۆریستیە".
وتیشی: "ئەو حەوت گوندە سەر بەناحیەی نەمرودن کە سەر بە قەزای حەمدانیەیە".
ئەوەشی خستەڕوو: "کاکەییەکان وەک مەسیحی و کوردانی ئێزدی و شەبەک، ڕوویان لە هەرێمی کوردستان کردووەو گوندەکانیان چۆڵکردووە و موڵک و ماڵیشیان لەلایەن چەکدارانی ڕێکخراوی تیرۆریستی داعشەوە تاڵانکراوە".
بەرپرسی ڕاگەیاندنی مەڵبەندی یەکێتیی لە موسڵ باسی لەوەشکرد کە، "بەپێ ئەو زانیاریانەی گەیشتوونەتە دەستمان لە ماوەی بیست و چوار کاتژمێری ڕابردوودا زیاتر لە 100 خانووی کاکەییەکان تەقێندراونەتەوە".
غەیاس سورچی، ڕاشیگەیاند: "هۆکاری تەقاندنەوەی ئەو خانوانەش ئەوەیە کە تەنها ئەوانە کوردن لە ناوچەکە، چونکە چەندین گوندیتر لە دەورووبەری هەن نەتەقێنراونەتەوە تاڵانیش نەکراون ".
- 12-06-2015
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,778 mal angesehen
Schreiben Sie Ihren Kommentar zu diesem Artikel!