بەناوی خوای گەورە
بیست و هەشت ساڵ تێدەپەڕێت بەسەر یەکێک لە گەورە تاوانەکانی کۆتایی سەدەی ڕابردوودا، ئەویش تاوانی کیمیابارانکردنی شاری سەردەشتی ڕۆژهەڵاتی کوردستان بوو لەلایەن ڕژێمی ڕوخاوی پێشووی عیراقەوە کە بووە هۆی شەهیدبوونی 116 کەس و برینداربوونی هەزاران کەس لە هاوڵاتیانی مەدەنی شارەکە بە بەرچاوی ڕێکخراوەکانی مافی مرڤ لە جیهاندا، شاری سەردەشت نغرۆی گازی خەردەل و سیانید کرا.
بێدەنگی ئەوکاتەی کۆمەڵگەی نێودەوڵەتی و ڕێکخراوە جیهانییەکان لە ئاست ئەم تاوانە دڕندانەیەدا، جورئەتی زیاتری بەخشیە ڕژێمەکەی بەغدا، تا لەسەر زوڵم و ستەمەکانی بەردەوام بێت، بەجۆرێک دڕندەیی و تاوانکاری ئەو ڕژێمە لە تاوانی کیمیابارانی هەڵەبجەدا گەیشتە لوتکە.
بەڕێزان هەروەک چۆن ڕژێمی بەعس ڕسوای مێژوو بوو، بەڵێن دەدەین هاوڕێ لەگەڵ کۆمەڵەی قوربانیانی کیمیابانی سەردەشتدا لە خەبات و کاری ڕێکخراوەییماندا بەردەوام بین بۆ بەدادگایی گەیاندنی ئەو کەس و کۆمپانیایانەی کە هاوکاری ڕژێمی بەعس بوون لە پڕچەک کردنیدا، تا بەسزا گەیاندنیان و قەرەبووکردنەوەی قوربانیان و زیان لێکەوتوان.
لێرەشەوە داوا دەکەین کە (کۆماری ئیسلامی ئێران) هاوکار بێت لە بەدەستهێنانی دۆکیۆمێنت و بەڵگەی پێویست لەسەر کیمیابارانی سەردەشت و هەڵەبجە.
بەڕێزان هەروەک چۆن شاری سەردەشتی خۆشەویستمان هەرگیز لەیاد نەکردووە وەک دەستەخوشکی هەڵەبجە ناوزەدمان کردووە هاوکات هەموو ئامادەییەکی خۆمان دەردەبڕین لە هاوسۆزی و هاوکارییکردنی کەسوکاری قوربانیانی سەردەشت و بەرەوپێشبردنی دۆسێی کیمیابارانی ئەو شارە لە هەر شوێن و لایەکی پەیوەندیداردا بێت.
بەڕێزان.. لەکاتێکدا یادی ئەم تاوانە گەورەیە دەکەینەوە ئێستاش لە کۆبانێ تاوانی ڕەشەکوژی تۆقێنەر ڕووبەڕووی هاوخوێن و هاونیشتیمانییەکانمان دەبێتەوە، دیسان تیرۆر منداڵ و ژنی کوردی داوەتەوە بەر دڕندانەترین شێوازی کوشت و بڕ. تکا دەکەین کۆمەڵگەی نێودەوڵەتی و ڕێکخراوانی مافی مرۆڤ چیتر ڕۆڵی تەماشاکەر نەبینن، بەهەر شێوەیەک هەیە ڕێگە بگرن لەم کردە دڕندانەی کە دژ بە هەموو بەهاکانی.
کۆمەڵەی قوربانیانی کیمیابارانی هەڵەبجە
28-06-2015
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 13,385 mal angesehen
Schreiben Sie Ihren Kommentar zu diesem Artikel!