بەپێی ئاماری بەڕێوەبەرایەتی پۆلیسی هاتوچۆی شاری کەرکووک لە ماوەی شەش مانگی ڕابردوودا چەندین حاڵەتی جۆراو جۆری ڕووداوی هاتوچۆ لە ناوی شاری کەرکووک ڕوویانداوە و هەر لە ئەنجامی ئه و ڕووداوانەشدا چەندین زیانی گیانی و مادی سەریان هەڵداوە.
عەمید محەمەد تاهیر، بەڕێوەبەری گشتی پۆلیسی هاتوچۆی شاری کەرکووک بە خەندانی ڕاگەیاند: "بەپێ ئاماری بەڕێوەبەرایەتی پۆلیسی هاتوچۆی شاری کەرکووک لە ماوەی شەش مانگی ڕابردوودا چەندین حاڵەتی جۆراو جۆری هاتوچۆ ڕوویانداوە و بە هۆی ئه و ڕووداوانەشەوە ژمارەیەک زیانی گیانی و مادی تۆمار کراون".
وتیشی: "لە ناوی شاری کەرکووک لە ماوەش ئه و شەش مانگەدا 151 حاڵەتی پێکدادان وەرگەڕان لە نێوان ئۆتۆمبێلەکاندا ڕوویانداوە".
ئاماژەی بەوەشکرد: "لە کۆی ئه و ڕووداوانەدا هەشت هاوڵاتی گیانیان لەدەستداوە و لە هەمانکاتدا 83 هاوڵاتی تریش بریندار بوون".
ئەوەشی خستەڕوو کە، هۆکاری زۆربەی ڕووداوەکانی هاتوچۆ ناو شاری کەرکووک بە شێوەیەکی گشتی پەیوەندی بە خراپی ڕێگە و بانەکانەوە هەیە، هەروەها لەلایەکی ترەوە پەیوەندی بە خودی شۆفێرانەوە هەیە کە مەرجەکانی شۆفێری و هاتۆچۆ کردن جێبەجێ ناکەن.
روونیشی کردەوە کە، لە کەرکووک لە ماوەی ئه و شەش مانگدا 16391 حاڵەتی سەرپێچی شۆفێران تۆمار کراوە، لەگەڵ ئەوەشدا دەست بەسەر 122 ئۆتۆمبێلی جام ڕەشدا گیراوە، جگەلەوەش 28 ماتۆڕسکیل دەست بەسەرکراون و بەشێکی زۆر له و سەرپێچیانەش ڕەوانەی دادگا کراون.
- 03-08-2015
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,644 mal angesehen
Schreiben Sie Ihren Kommentar zu diesem Artikel!