لە یەکەم ساڵیادی کارەساتی شەنگالدا، بەرێوەبەرایەتی کاروباری ئێزیدییەکان لە وەزارەتی ئەوقاف وکاروباری ئایینی حکومەتی هەرێم، دوایین ئاماری قوربانیەکانی شەنگالی ئاشکرا کرد.
خەیری بۆزانی بەرێوەبەری کاروباری ئێزیدیيەکان لە وەزارەتی ئەوقاف و کاروباری ئایینی حکومەتی هەرێمی کوردستان بە خەندانی ڕاگەیاند: لە ڕووداوەکانی 3ی ئابی 2014 و ڕۆژانی دواتردا، بەهۆی هێرشی چەکدارەکانی ڕێکخراوی تیرۆرستی داعشەوە بۆ سەر قەزای شەنگال، زیاتر لە 400 هەزار هاوڵاتی دانیشتوی قەزای شەنگال و دەوروبەری، کە زۆرینەيان ئێزیدی بوون، ئاوارەی ناوچەکانی تری کوردستان بوون.
وتیشی: له و ژمارەیە پێنج هەزار و 838 هاوڵاتی، کە زۆرینەیان کچ و ژن و منداڵ بوون، لە لایەن تیرۆریستانی داعشەوە ڕفێندراون و 841 کەسی تریش تا ئێستا بێسەروشوێنن، هەزار و 280 هاوڵاتیش شەهید بوون و 280 بە هۆکاری جیاواز گیانیان لەدەستداوە.
بەرێوەبەری کاروباری ئێزدییەکان ئاماژەی بەوەشکرد: هەر بەهۆی ئه و کارەساتەی بەسەر خەڵکی شەنگالدا هات، تاوەکو ئێستا 12 گۆڕی بەکۆمەڵ دۆزراوەتەوە، لەکۆی ئه و 5 هەزار و 838 هاوڵاتییەی ڕفێندرابوون، دوو هەزار و 14 کەسیان ڕزگاریان بووە.
- 03-08-2015
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,504 mal angesehen
Schreiben Sie Ihren Kommentar zu diesem Artikel!