بەداخێکی زۆرەوە ڕۆژی شەممە 10ـی 10ـی 2015 لە ئەنجامی دوو تەقینەوەی تیرۆریستی لە میتینگێکی تایبەت بە پارتی ئاشتی و دیموکراسی لە شاری ئەنکارا دەیان هاوڵاتی شەهید بوون و ژمارەیەکی زۆریش بریندار بوون.
سەرەخۆشی و هاوخەمیی خۆمان بۆ گەلانی تورکیا و کەسوکاری قوربانیانی ڕووداوە تیرۆریستیەکەی ئەمڕۆی ئانکارا ڕادەگەیێنین و هیوای چاکبوونەوەش بۆ برینداران دەخوازین لە هەمانکاتیشدا زۆر بە توندی ئیدانەی ئەو کردەوە قێزەوەن و ترسنۆکانەی تیرۆریستان دەکەین.
ئەم کردەوە تیرۆریستییە لەکاتێکدایە کە ناوچەکە بە گشتی و وڵاتی تورکیا بە قۆناغێکی هەستیاردا تێدەپەڕێت و مەبەستی تیرۆریستان لەم کردەوە نامرۆڤانەیە دروستکردنی ئاژاوە و قووڵکردنی ناکۆکیی نێوان پێکهاتەکانی تورکیا و تێکدانی ئاشتیی کۆمەڵایەتیی هاوڵاتیانە.
تیرۆر هەڕەشەیەکی جدییە لەسەر هەموو پێکهاتەیەک و تێکڕای مرۆڤایەتی و پێویستە ڕووبەڕووبوونەوەی ئەم دیاردە ترسناکە ئەولەویەتی هەموو لایەک بێت.
سەرۆکایەتیی هەرێمی کوردستان
10-10-2015
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 7,802 mal angesehen