لەهەوڵەکانی پارتی دیموکراتی کوردستان بۆ پەکخستنی دامودەزگا شەرعیەکانی پەرلەمان و حکومەت و تێکدانی هەرێمی کوردستان، ئێوارەی ئەمڕۆ 11-10-2015، مەکتەبی سیاسی پارتی لەرێگای نوێنەرەکانیان لە حکومەت و پەرلەمان، سەرۆکی پەرلەمان و تیمی وەزاری بزوتنەوەی گۆڕانیان ئاگادارکردۆتەوە لەوەی نەچنەوە سەرکار و ئەکەکانیان و هەولێری پایتەختی هەرێمی کوردستان جێبهێڵن، بەهۆیەوە کاروباری پەرلەمان و حکومەت پەکبخەن.
ئێمە پێشتر خەڵکی هەرێمی کوردستانمان لە هەڵە یەک لەدوای یەکەکانی پارتی ئاگادارکردۆتەوە و ئێستاش ڕونیدەکەینەوە، پارتی دیموکراتی کوردستان وەک حزبێکی سیاسی ئەم هەرێمی کوردستانە، هیچ مافێکی یاسایی و سیاسی نیە تەجاوزی دەزگا قانونی و شەرعیەکانی هەرێمی کوردستان بکات و لەجیاتی یاسا بەرکارەکان و پەیڕەوی ناوخۆ لەهەرێمی کوردستاندا بڕیاری ناجۆر بەئارەزوی تاقم و دەستەیەک بەسەر خەڵکی هەرێمی کوردستاندا بسەپێنبێت.
ئێمە ڕای گشتی میللەتەکەمان و دۆست و پشتیوانەکانمان لە عێراق و نێوەندە نێودەوڵەتیەکان لەم سەرپێچیانە ئاگادار دەکەینەوە و پێیان دەڵێین مەکتەبی سیاسی پارتی بە چ مەنتقێکی سیاسی و یاسایی خۆیان دەخنە جێگای دەزگا تەشریعی و قەزائی و تەنفیزییەکانی هەرێمی کوردستان و لەجێگای ئەوان بڕیار دەدەن.
بزوتنەوەی گۆڕان
11-10-2015
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,600 mal angesehen