برای بەڕێز دکتۆر بەشار ئەسەد
سەرۆککۆماری عەرەبیی سووریا
بە داخ و پەژارەیەکی زۆرەوە هەواڵی کۆچی دوایی (ئەنیسە مەخلوف)ی دایکی بەڕێزتانمان بیست، کە ئەوپەڕی هەستی ڕێز و سوپاسگوزاری و خۆشەویستی و یادکردنەوەمان بۆ خۆی و گیانی سەرۆکی کۆچکردوو حافز ئەسەد هەیە.
ئەو هەستە مەزنەی کە لە کانگای ویژدانەوە هەڵقوڵاوە، بەرهەمی ساڵانێک لە برایەتی و هاوڕێیەتییە، کە بەردەوام بە خێر و ئاشتی و کاری هاوبەش کۆیکردینەوە، بەو جۆرەی بەرژەوەندی هەردوو گەلەکەمان و سەقامگیری و پێشکەوتنی ناوچەکەی تێدایە.
جەنابی سەرۆک، لەم بۆنە ناخۆشەدا جەخت لەسەر بەهێزیی هەستی برایەتی و هاوڕێیەتی دەکەینەوە، لە ناخیشەوە سەرەخۆشی ئاراستەی خۆتان و خانەوادە بەڕێزەکەتان دەکەین، داواش لە خوای گەورە دەکەین سەبر و ئارامیتان پێ ببەخشێت و کۆچکردووی پایەبەرزیش بەر ڕەحمەتی خۆی بخات و شوێنیشی بەهەشتی بەرین بێت، گەلی سووریاش بە ئاشتی و ئازادی و ئاسایش و خۆشگوزەرانی بگات، ئێمە زۆر باش دەزانین گەلی سووریای مەزن کە هەودای ئاشتی و سەقامگیرین دوچاری گەورەترین نەهامەتی بووەتەوە کە زۆر بۆی بە ئازارین، داوا لە خوای گەورە و میهرەبان دەکەین ئەم گەلە ئەو قۆناخە سەختە تێپەڕێنێت و بگاتە کەناری ئارام و ژیانێکی خۆش کە شایستەیەتی.
خوشکتان
هێرۆ ئیبراهیم ئەحمەد
10-02-2016
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,468 mal angesehen