بەناوی خودای بەخشندە و میهرەبان
سەر لە بەیانیی ڕۆژی هەینی 4ـی 3ـی 2016 تیرۆریستانی داعش پەلامارێکی بەرفراوانیان کردە سەر سەنگەرە پۆڵایینەکانی هێزی پێشمەرگە لە میحوەری ڕۆژئاوای دیجلە و لە چواڕیانی کەسکێ و ئەسکی موسڵ. سوپاس بۆ خودای مەزن ئەو هێرشەی تیرۆریستان لە لایەن هێزی پێشمەرگەی کوردستان تێکشکێندرا و زیانێکی گەورە لە دوژمن درا و پێشمەرگە داستانێکی کەم وێنەی لە بەرانبەر تیرۆریستان تۆمار کرد.
بەبۆنەی ئەو سەرکەوتنە مەزنە پیرۆزبایی لە گەلی کوردستان و هەموو پێشمەرگە قارەمانەکان دەکەم. سوپاسی فەرماندە و پێشمەرگەکانی میحوەری ڕۆژئاوای دیجلە و فەرماندەیی زێرەڤانی و فەرماندەیی دهۆک و فەرماندەیی هێزی پشتیوانی و لەشکری ڕۆژی ڕۆژئاوا و هێزی ئیحتیاتی ڕۆژئاوای دیجلە دەکەم و دەستخۆشیان لێ دەکەم کە بەشداری ئەو سەرکەوتنە بوونە و دوژمنیان تێکشکاندووە و هیوای چاکبوونەوەی خێرا بۆ برینداران دەخوازم.
بە پێویستی دەزانم سوپاسی هێزی هاوپەیمانان بکەم کە بە پشتیوانیی ئاسمانی پاڵپشتی هێزی پێشمەرگەی کوردستان بوون. پێزانینی بێ سنوورم هەیە بۆ دلێری و قارەمانێتی هێزی پێشمەرگە لە گشت میحوەرەکانی شەڕی بەرگریکردن لە گەل و نیشتیمان. هەتا گەلی کوردستان خاوەنی ڕۆڵەی چاونەترس و ئازای وەک ئێوە بێت، هەمیشە سەرشۆڕی و شکست بۆ دوژمنان و ناحەزان دەمێنێتەوە.
هەر بمێنن بۆ کورد و کوردستان و هیوای تەمەندرێژی و سەرکەوتنتان بۆ دەخوازم.
مەسعود بارزانی
سەرۆکی هەرێمی کوردستان
04-03-2016
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,592 mal angesehen
Schreiben Sie Ihren Kommentar zu diesem Artikel!